Mateu 25:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napanelo avalá vading'ano, pavatwete dikalaboi dyave vandínyukatinneu mauta muvitumba vyave.

Mateu 25:4 ပူးပေါင်းရင်းမြစ်များ

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Mateu 25:2

Pakati pave mwanu vavele vakupuwanikanga, vanji mwanu vo kuva vading'ano.

Mateu 25:3

Vakupuwanikanga vo pavatwete dikalaboi dyave, havanyukéte mauta alibadila.

Mateu 25:5

Bai nkúlomba patimile kuwika, uti vali vo vandíindila mpaka kuukila mulwono.

Mateu 7:24

“Napavedoni kula munu áigwilila malove angu na kutandedya mwalatangalakela, ankuva kenga munu wamang'amung'amu ádangile ing'ande yake pashanya lijanga lyakulitandika.

Nshuwau 3:34

Aijá wantumididye Nnungu atangola malove ake Nnungu mwaa nae andimupa Imumu íkave shipimo.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

I Nshuwau 2:20

Mwenu napane munkuvanavo kupakigwa kumwe Wakwilimyanga na mwenu uti munkuvanavo limanyilo.

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

Yudashi 1:19

Ava ni vatádya kupagwe kwapukananga pakati penu, vanu vamakumbukililo ashivalakwelo na vákave Imumu.