Mateu 25:1 - Ibibiliya mu Shimakonde Imbodi Yaambi na dimbande dya Imbodi Yakala

¹ “Napanelo kuwika kwautawala wakuwa ko kulota kuva mwavali kumi vatwéte dikalaboi dyave kuka nannindila nkúlomba.

Mateu 25:1 ပူးပေါင်းရင်းမြစ်များ

Mateu 13:24

Yesu kuvakang'ela nkong'o unji aashidoni, “Utawala wakuwa uvelé kenga munu ápandile imbeju yambone mulishamba mwake.

Mateu 13:31

Kutwala kuvakang'ela kavili nkong'o unji aashidoni, “Utawala wakuwa uvelé mwaimbeju yanshupi yatwete munu kuka ndapanda mulishamba mwake.

Mateu 13:38

na lishamba lyo, shilambo. Ailá imbeju yambone, avo ni vana vamuutawala, nashitani jo vanavake nkalau na

Mateu 13:47

“Namomo utawala wakuwa uvelé mwalungau lwavatajile mmedi kutwala kujola dyomba dyakula namuna.

Mateu 20:1

“Mwaa ivé doni, utawala wakuwa uvelé mwatatamunu áumile paing'ande pake lyamba linyeiku kuka ndavalambela vamadengo vakulima mulishamba mwake.

Mateu 22:2

“Utawala wakuwa uvelé mwaumu jumo e apanganiénge shitamo shamwanagwe.

Mateu 25:7

Bai uti vali avalá kutakatukanga kupanganianga dikalaboi dyave.

Mateu 3:2

aashidoni, “Lijugulange mwaa utawala wakuwa undivandika.”

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Mateu 9:15

Yesu kushidoni, “Ilota kuulukika dashi vanu vakulalikigwa pashitamu kuvanavo shipalodi mwene nkúlomba àpagwite popo? Undawika wakati wavalota kumumya nkúlomba pakati pave. Bai apo ni pavalota kunga.

Nshuwau 18:3

Jo Yudashi jo andyúka kuliteka àvenavo shipinga shavaing'odo pamo na vakushunga vakwalakela kwavanang'olo vakulangalalela-shadaka na mapalishayo vànyukatenge vyenje, ditoshi na dyuti.

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

Vitendo 20:8

Mushumba shaigalopa shatuvéle dindípagwa dikalaboi dyoe dishikalela.

I Vakolintu 11:2

Napanelo nintumbyanga mwenu pakuva munkungukumbukila muvinu uti, namomo munkukamulila mavalelo mo mwanimpalakadyadidye.

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.

Maono 19:7

Tuke tupuwange! Tulitamange, tumupe lishangelo! Mwaa undiwika wakati washitamo shimwe Ngandolo, nkúlombwa andilipanganianga tayali.

Maono 21:2

Namomo ndyóna njini wakwilimyanga Yelusalemu yaambi ishuluka kuwa kwa Nnungu kenga nkúlombwa wavampanganiyenge na kunnemya shana auka kwantwagwe.

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”

Maono 4:5

Po pashiteng'u po, pankumeta na pankuma vilindimu vyading'uva. Mushu mwake, vinkukalela moto vyenje saba, vyenje avi ni dimumu saba dya Nnungu.

Maono 8:10

Njelo wantatu andyómba lipalapanda kutwala kuwa ko kumatuka inondo ing'umene kenga likamu lyamoto likaléla ndagwilila mwimbandi yantatu yadyundi na mwapandukanga medi: