Mateu 23:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Napavedoni nangu ninkuntumididya mwenu vakulava, vanu valimanyilo na vamwalimu. Napane mwenu vovo vo, vanji mundavabyaa, vanji kuvapambilila, vanji muvitala vyenu vyakulipudidya kuvashapa viboko na vovo vo, kula likaja mundavalumbata.

Mateu 23:34 ပူးပေါင်းရင်းမြစ်များ

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Mateu 23:31

Napavedoni munkulyumidya mwemwe mmene ushuda wakuva mmana va avalá vavabyénge vakulava.

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 11:27

Mumaduva lolo, vandípagwa vakulava vaumíle pa Yelusalemu kuka ku Antiyokiya.

Vitendo 12:2

Nae anínshinda na lyambila Tiyagu nung'une Nshuwau

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Vitendo 14:19

Napanelo mo nkaja mo, vandíwika vayuda vaantiyokiya ya ku Pishidiya na vaikoniu kutwala kuvatumbilikanga vanu vankaja amo; bai vandímwamanga majanga Paulu, kumuutanga kuka nanjaa kunyenje likaja vona kenga andipela.

Vitendo 15:32

kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

I Vakolintu 2:6

Kanji napane pakati pa avalá vakaméle, limanyilo tundátangola ata likanava limanyilo lyawakati au kwali lyavakutawala vawakati au vo vapagwíte nkati mukulambaleka.

I Vakolintu 3:10

Kwodananavo umonyo wake Nnungu wangupatile nangu kenga nkúmanya-kudenga, ndivika shitunduvangilo kutwala junji ankudenga pashanya pake. Napane nnole kula munu mwadangela.

Vakoloshu 1:28

Ni jojo watummalanganga, tuduma na tumpundisha kula munu nkati mulimanyilo uti pakulota tunnodye kula munu washalowa-uti nkati mumwe Klistu.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

Vabalaniya 11:37

vaamangigwa majanga, vavaluligwa na nshumeno na vabyaigwa kwamaambila. Vashindawanawananga vàgwalenge magwogwe avangandolo na avambudi, vavele vanu vákave pashinu, vashindavauvauvyanga na kutandegwa kunyata;

Maono 11:10

Vanu vanáma mushilambo shapai vandapuwanga kwamwaa wave, vandatenda shikukulu na vandajaulanila vibuku. Mwaa vakulava vovo vo, vandivaangaishanga namene vanu vanáma mushilambo shapai.