Mateu 23:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ “Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Muvelé mwavyonga vyavapakenge lila. Panda apa mwiu kwaneka kuva vyakwalala, nkati mwake mo muumbele magwangwa na dinamuna uti dyaudagwa.

Mateu 23:27 ပူးပေါင်းရင်းမြစ်များ

Mateu 23:28

Ni kenga mwenu panda apa vanu vankumwona kuva mmanu mmaishaliya napane nkati mo, shindimuumbala shinankulaba na ungave-lilamulo.

Lukashi 11:44

Mupambale mwenu! Mwenu múvele kenga vyonga vigwalalidíle vanu kupita valuvatanga pashanya pavakamanya shipagwíte mulyutu alyo.”

Vitendo 23:3

Paulu kutwala kumwaulila, “Bai nawako Nnungu andakubwabwada umunu wamalambi davo gwe! Wako apo wikelé pakulota unguukumu kwodana na mwalitangalela Lilamulo, napane mwaa shani unkupujungula Lilamulo ulamulila vangukome?”

Vagalata 6:12

Napane uti avalá valóta valyaneshe wambone mumili, avo ni vamuungíla mwenu mukumuligwe likumbi kwambangidya bai havanapapatigwe kwamwaa wanshalaba umwe Klistu.