Mateu 23:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ “Mupambale mwenu mmananangalaledi múkalola muushidoni, ‘Woewoe álilapila ing'ande ya Nnungu, kulilapa ako hakuvé mana, napane aijá álilapila shaabu ivéle mwing'ande yake Nnungu, andyungigwa kwakulilapa ako.’

Mateu 23:16 ပူးပေါင်းရင်းမြစ်များ

Mateu 15:14

Valeke, vanavo ni vananagalaledi vakuputala mevo vavalangalaléla vakuputalamwave. Munu wakuputala akannangalalela wakuputalamwagwe, vanu avo uti vandagwilangila mulipondo.”

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 23:17

Mmanu mmakubanga na múkalola davo mwe! Na apa shikumene ni shakwashi, shaabu kwali ing'ande ya Nnungu itadídye shaabu sho shiilimyangike?

Mateu 23:19

Mmanu mmakubanga na múkalola davo mwe! Na apa shikumene ni shakwashi, shadaka kwali alutali lutadídye shadaka sho shiilimyangike?

Mateu 23:24

Mmananangalaledi múkalola davo mwe! Mmanu múnanshinyina njanjema mmedi kutwala kummila ngamila.

Mateu 23:26

Mmapalishayo múkalola davo mwe! Shitandi diwene pamo na vyani, ukanga nkati mo pakulota panda po napanavo, patakate.

Vagalata 5:3

Ninkwakikisha kavili kenga kula munu ákumuligwa likumbi, nae ankudaigwa atandedye lilamulo uti.

Tiyagu 5:12

Mmanung'unumunu pashanya pavinu avi uti, hamunalilapile kuwa kwali shilambo shapai na ata kwali kulilapa kwoekwoe. Kwenu mwenu mukatangola doni, “Elo” ive mwiu elo na mukatangola doni, “Mene” ive mwiu mene kwambangidya hamunapatikanange muukumu.