Mateu 23:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ “Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Mateu 23:13 ပူးပေါင်းရင်းမြစ်များ

Mateu 23:16

“Mupambale mwenu mmananangalaledi múkalola muushidoni, ‘Woewoe álilapila ing'ande ya Nnungu, kulilapa ako hakuvé mana, napane aijá álilapila shaabu ivéle mwing'ande yake Nnungu, andyungigwa kwakulilapa ako.’

Mateu 23:23

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mumya lipungu lyakumi lyamamba akunung'ila, linjano na inakilo kutwala vinu vikumene vya Lilamulo yani ishaliya, shididi na likulupililo, me kwodedya. Mwenu inimmaikila mwodedye vinu avi bila kwiludyanga vinji vyo.

Mateu 23:25

“Mupambale mwenu mmamwalimu mmadishaliya na mapalishayo. Mmanu mmashinankulaba mwe! Munáukanga diwene pamo na vyani panda gweka nkati mo muumbele lung'unuku na ulavilavi.

Mateu 23:27

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Muvelé mwavyonga vyavapakenge lila. Panda apa mwiu kwaneka kuva vyakwalala, nkati mwake mo muumbele magwangwa na dinamuna uti dyaudagwa.

Mateu 23:29

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Muumbila vyonga vyavakulava na kupita munemya vyonga vyavanu vaishaliya.

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Lukashi 11:52

Mupambale mwenu mmamwalimu vadishaliya! Múpiidye mungulilo walimanyilo; mmene hamwinjidile na ata avalá váshilota kwinjila, mundivadivilila.”

Nshuwau 9:22

Vatatavake vo vandíjang'ula davo mwaa wakuvajopa vananangalaledi vavayuda. Doni, vananangalaledi vo vandípakanila pakulota munu woewoe álota kummalanganga Yesu kuva Klistu vammingange pashitala shakulipudidya.

Nshuwau 9:24

Vanavo vakanshema kavili munu aijá e aputéle mevo kutwala kumwaulila doni, “Mupe Nnungu lishangelo! Wetu tundimanya kenga munu wene jo, nkùtega.”

Nshuwau 9:34

Vayuda kutwala kushidoni, “Wako uvalakwididyé uti mmadambi; napanelo ulota utupundishe wetu?” Bai vanímminganga mushitala shakulipudidya.

Vitendo 13:8

Kanji Elimashi mwavi jo, mwaa aku ni kuvalangangila kwalina lyake, ashindavavangedya vamyombe alambela antividyange gavana hanaliinjidyange mulikulupililo.

Vitendo 5:28

aashidoni, “Da mwenu wetu hatunnaidye ngala kupundisha palina lyamunu ajo? Shapo lola, nkaja mu Yelusalemu amu malove enu andyaandavala uti na ata mpaka mulota twitikange yamyadi vyamunu aju.”

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

II Timoti 4:15

Nawako momo lilaledye kwaupande wake mwaa andipinga na dimongo malove etu.