Mateu 22:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Mateu 22:16 ပူးပေါင်းရင်းမြစ်များ

Mateu 22:24

“Mwalimu, Musha atwaulidilé doni, nnume akapela bila kummalakela mwana ndyagwe, nung'une wawakujala inimmaikila ainjile ding'ande pakulota ammalakele vana wakujala.

Mateu 22:26

Nanae wambili kuntandakela momo, wantatu mpaka namalilikila wasaba.

Mateu 26:18

Nae kushidoni, “Wena kunjini ko mukatangole na munu jumo kushidoni, ‘Mwalimu atédoni, “Wakati wangu undivandika, nadoni paing'ande pako apa ndatandela Pasaka na vakwoda vangu.” ’ ”

Mateu 26:49

Nae kukinneu kumwe Yesu ndaashidoni, “Labi, umumi?” Bai kutwala kumwambatila.

Malukushi 10:17

Napanelo Yesu pashuukanavo kavili mushu na shimwanda shake, munu jumo aníntukutila kuka ndaguguvala mushu mwake ndaashidoni, “Mwalimu wambone, ngutandelé mwashi pakulota ngupate shingumi shíkamalilika?”

Malukushi 12:13

Napanelo vandívatuma mapalishayo vanji pamo na vanu vashipinga shimwe Elode vauke vakampatikaniange mumalove ake.

Malukushi 12:14

Vanavo kumuukila kutwala kushidoni, “Mwalimu, wetu tundimanya shana kenga wako ni umunu waumwiu úkananapela mumaoni avanu mwaa haunalola ing'ope yamunu kanji unkupundisha kwaumwiu indila yalota Nnungu. Napanelo ni shambone nkati mulilamulo lyetu kunnipa Shashali ukodi kwali mene? Wetu po, tunkuulula kulipa kwali mene?”

Malukushi 3:6

Bai mapalishayo vandyúmananga kuka ndalyunganianga namu vashipinga shimwe Elode kumulya shemba Yesu valambela dindila dyakummalididya.

Malukushi 8:15

Napanelo ashindavaduma aashidoni, “Lilaledye! Lishunge kwaing'ano yankukumuku wamapalishayo na umwe Elode!”

Lukashi 20:21

Nadoni vanavo vandímudya kushidoni, “Mwalimu, wetu tundimanya shana kenga wako unkutangola vinu viu na unkupundisha shana; haunatangola shinu ulola ing'ope kanji unkupundisha kwaumwiu indila yalota Nnungu.

Lukashi 7:40

Kanji Yesu andímwaulila kushidoni, “Simoni! Shipali shinu shangulota kukwaulila wako.” Simoni, “Shinu shani mwalimu?”

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Vakolintu 5:16

Nadoni kutunduvangila ambi apa hapali watummalangilila kwodananavo shimunu. Ata ikava kenga kunantandi Klistu tushimmalangilila kwodananavo shimunu kanji napane hatunammalangilila shinu kavili davo.

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

Vagalata 2:6

Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

I Vateshalonika 2:4

kanji kenga mo mwatukubaligwidye na Nnungu kukulupiligwa ntenga wambone, ni momo mwatutangalela i pakulota tutadye ivanagwele vanu kanji innagwele Nnungu aijá álalyanga mitima vyetu.

Tiyagu 3:17

Kanji napane limanyilo lyalakéla kuwa, lyanavo shitandi halive ushapu; ling'oto kuva lyamani, kulimaladya, kwigwilila, kuumbaligwanavo shididi na vyepo vyambone, líkamwapula munu na líkave shinankulaba.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.