Mateu 21:44 - Ibibiliya mu Shimakonde Imbodi Yaambi na dimbande dya Imbodi Yakala

⁴⁴ Aijá álota kugwilila palijanga ali, andapandakanga na aijá walilota kungwilila, andatipulikanga.”

Mateu 21:44 ပူးပေါင်းရင်းမြစ်များ

Mateu 21:43

“Napavedoni ninkumwaulila, utawala wa Nnungu mwenu vanampoka kuvapa venentete vanji valóta kulodya vyepo vyake.

Mateu 21:45

Bai vanang'olo vavakulangalalela-shadaka pamo na mapalishayo pavaigwite mikong'o avyo, vandímanyinneu do, avamba vanavo.

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

Mateu 27:25

Venentete uti kushidoni, “Makosha akujaika myadi avyo atupate wetu pamo na udukulu wetu.”

Lukashi 2:34

Bai Shimiyau andívaalaliya na kumwaulila jujumunu Maliya kushidoni, “Mwana aju alota kuva shambyombyo shakuvatadya vanaishilaeli vanji vagwe, vanji vatakatuke; alota kuva shimanyikilo shilóta kunyatilika na vanu.

Lukashi 20:18

Munu woewoe álota kugwilila palijanga alyo, andatamakanga na walilota kungwilila jo, andakandikanga.”

Nshuwau 19:11

Yesu kushidoni, “Wako haunavenavo madalaka kwangu nangu leka madalaka alo akaalakadile kuwa. Nadoni aijá ángukamudidye kwako wako ni ávenavo madambi akumamodya.”

Valoma 9:33

Kenga mwatangalela Maandiko, “Mwenu, nangu ninkuvika pa Shiyau lijanga lyakulikuvala lijanga lyo lyakutaa shitundi; aijá álota kukulupila, mwiko hatutala.”

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.