Mateu 21:41 - Ibibiliya mu Shimakonde Imbodi Yaambi na dimbande dya Imbodi Yakala

⁴¹ Vanavo kushidoni, “Andavamalidya uti kwaukalau kutwala lishamba lyo kuvakamudya vanji valóta kwidanavo vyepo ukawika wakati wake.”

Mateu 21:41 ပူးပေါင်းရင်းမြစ်များ

Mateu 21:34

Pauwikile wakati wamapuno nae kuvatumidya vatumika vake kwavakulima ko vakatwale isemu yake yavyepo.

Mateu 21:40

“Napavedoni paida mwene lishamba alota kuvatandela mwashi vakulima avo?”

Mateu 21:43

“Napavedoni ninkumwaulila, utawala wa Nnungu mwenu vanampoka kuvapa venentete vanji valóta kulodya vyepo vyake.

Mateu 3:12

Ankuvanavo shombo shakupatangila vyakulya mmakono mwake; andakandyanga palugwa pake kuntwala ngano jo kuntaa mushidimbi kanji makadakada lo, andataa moto úkadimika.”

Lukashi 20:16

Nae andavaukila vanu avo ndavatanalanga kutwala lishamba lyo, kuvapa vanu vanji.” Bai venentete pavaigwite malove alo kutwala kushidoni, “Shonde hainave davo.”

Vitendo 15:7

Napanelo ukaumilile ntau utwéte wakati woe, Patulu andítakatuka kutwala kushidoni, “Mmanung'unumunu, mwenu mundimanya shana doni tangu kala Nnungu aningutandola pakati penu pakulota dashi, kwaindila yaikanywa yangu vamidi vaigwe lilove lyantenga wambone na vakulupile.

Vitendo 18:6

Kanji vanavo vakampinge na vakamwabalange, Paulu andípumunanga dinguvo dyake kutwala kushidoni, “Myadi vyenu vipagwe pamuti penu! Nangu hanguve likosha kwenu mwenu. Kutunduvangila ambi apa, mwanda kwavamidi.”

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 28:8

Napanelo tatake Pubiliu unímpwateka mili na kudalola myadi. Paulu paukile nannola, ling'oto lyakushwali anímmikila makono kutwala kumponia.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte