Mateu 21:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Pauwikile wakati wamapuno nae kuvatumidya vatumika vake kwavakulima ko vakatwale isemu yake yavyepo.

Mateu 21:34 ပူးပေါင်းရင်းမြစ်များ

Mateu 21:35

Vakulima kuvakamula vatumika vo, jumo kunkoma, junji kummyaa na junji jo kumwamanga majanga.

Mateu 21:38

Kanji avalá vakulima po pavangwene mwanagwe, vanavo vandyáulanila vaashidoni, ‘Aju ni walota kunkamudya vinu uti, idananga tummyae lishamba lyo live lyetu.’

Mateu 21:40

“Napavedoni paida mwene lishamba alota kuvatandela mwashi vakulima avo?”

Mateu 21:41

Vanavo kushidoni, “Andavamalidya uti kwaukalau kutwala lishamba lyo kuvakamudya vanji valóta kwidanavo vyepo ukawika wakati wake.”

Mateu 22:3

Nae kuvatumidya vatumika vake vapite vavashema vakulalikigwa kanji vakulalikigwa vo, kwitananga.

Malukushi 12:1

Napanelo Yesu andítunduvanga kutangola na vanavo atumila mikong'o aashidoni, “Munu jumo andílima lishamba lyamilandi vyavinyu kutwala kudangela lingongo, kwimba shima shakuminyangila vyepo na kudenga libodo lyakulepa; kuvakodisha vakulima mwene kutwala mwanda kuka.

Malukushi 12:7

Kanji avalá vakulima vandyáulanila shivenevene vaashidoni, ‘Aju ni jojo walota kunkamudya lishamba. Idananga akuno tummalidye kwambangidya lishamba live lyetu.’

Malukushi 12:9

Napanelo mwene lishamba jo alota kutandela mwashi? Nae andaida ndavabyanga uti vakulima avo kutwala lishamba lyo kuvapa vanu vanji.

Lukashi 20:9

Napavedoni Yesu andívakang'ela venentete nkong'o au, “Munu jumo andílima lishamba lyake lyamilandi vyavyepo kutwala kuvakodisha vakulima, mwene kuka kushilambo shinji ndaikala maduva oe namene.