Mateu 20:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Vanavo kushidoni, ‘Hapali munu átupele madengo.’ Nae do, ‘Namwenu, wena koko kulishamba ko mukalime.’

Mateu 20:7 ပူးပေါင်းရင်းမြစ်များ

Mateu 20:1

“Mwaa ivé doni, utawala wakuwa uvelé mwatatamunu áumile paing'ande pake lyamba linyeiku kuka ndavalambela vamadengo vakulima mulishamba mwake.

Mateu 20:6

Muwakati wasakumi akauma kavili kuvakodya vanu vanji vàimilenge vila nae kuvaudya, ‘Mwaa shani mwimilengé vila apa tangu lyamba?’

Mateu 20:8

“Napanelo paiwikile yalyulo aijá mwene lishamba andímwaulila mmádengo wake áshikondya njuluku kushidoni, ‘Vashamange vamadengo uti uvalipe njuluku wave uvatunduvangila vamwisho uvamalilila vatandi.’

Nshuwau 9:4

Indituvaikila tukole madengo amwe aijá ángutumididye uvé wo mui au. Shilo shinkwida pakaulula munu kukola madengo.

Vitendo 4:16

vaashidoni, “Da vanu ava apa tuvatandele mwashi? Mwaa kula muyelusalemu andimanya ngala kenga shimanyikilo ashi shakushanganiya, vatandadidyé vanavo na ata wetu shitendo ashi hatukania.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

Vaepeshu 6:8

Manya kenga shoeshoe shambone shatenda munu, shosho sho andapata kwalakela kumwe Umu ata pakavele ntumwa kwali wamuunaiti.

Vakoloshu 1:26

shipii ashilá shavapiidye tangu kala dimbula kwadimbula kanji ambi apa shitadídye shimanyike kwavakwilimyanga.

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.