Mateu 20:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Bai avalá vakwoda vake vanji kumi pavaigwite davo, vandívashimwidya vanung'unumunu avalá vavili.

Mateu 20:24 ပူးပေါင်းရင်းမြစ်များ

Mateu 20:23

Yesu kushidoni, “Mwiu mwenu mundakumbila luwene lwangu kanji yakwikala kunkanakoko kwali kunshanda kwangu, ayo hainava shinu yakujava nangu. Vene mautu alo ni avalá vavapanganiangididye mwene Atata.”

Mateu 20:25

Yesu kuvashema vakwoda vake kutwala kuvaulila kushidoni, “Mwenu munkumanya kenga avalá vakutawala vavamidi vandálitumbudya kwavenentete na vakumene vave vandátumila madalaka kwavanavo.

Malukushi 10:14

Yesu pagwene shitendo asho inínnyatila kutwala kushidoni, “Valeke vadyoko vaide kwangu, hamunavaleye mwaa utawala wa Nnungu wavanu vavéle mwavadyoko.

Malukushi 10:41

Bai vanji kumi vo vakaigwe malove alo, vanímmikila shitundi Tiyagu namu Nshuwau.

Lukashi 13:14

Nanangalaledi wamushitala ashanga mwaa wakuponia Yesu muliduva lyakupumula, nae andyáulila imbumba yavanu kushidoni, “Apali maduva sita avaikidíle kukola madengo; mumaduva lolo lo, idananga vamponie kanji muliduva lyakupumula ali, um, mene.”

I Vakolintu 13:4

Linagwaledyo ni kulipililila, linagwaledyo ni kutanana. Linagwaledyo halive ing'ou, halinalitumbyanga, halinalyona,

Vapilipo 2:3

Hamunatende shinu shoeshoe kwamashindano na ata kwakulyona kwamambinya kanji kwakulishapeya, kula munu amwone muje kupagwa muwa mwake nae.

Tiyagu 3:14

Kanji ikava kenga mmitima myenu munkuvanavo ing'ou yakujowa na malotelo augweka, hanapagwe wakulitamanga na ata hamunalishang'apile umwiu.

I Patulu 5:5

Nimumo momo mwenu mmanemba livike mwina mwavanang'olo. Mwenu uti gwala kulishapeya pakulota muulule kutumikana mwaa “Nnungu ankuvapinga vakulyona ila ankuvapa umonyo vakulishapeya.”