Mateu 20:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ namomo vanankamudya kwavamidi vanniule, vanshape viboko, vankamele panshalaba napane muliduva lyatatu lyake nae andadyuka.”

Mateu 20:19 ပူးပေါင်းရင်းမြစ်များ

Mateu 12:40

Mo mwapagwidídye Janashi munda mwasamaki maduva matatu shilo na mui, yadavo andapagwa Mwana Wamunu maduva matatu shilo na mui pai po muulongo.

Mateu 16:21

Napanelo kutwala apo Yesu kutunduvanga kuvamanyiya ngala vakwoda vake doni, nae inimmaikila auke ku Yelusalemu, koko ko akapate mauvilo oe kwavanang'olo, kwavakulangalalela-shadaka vanang'olo na kwavamwalimu vadishaliya, apele na muliduva lyantatu lyake adyuke.

Mateu 17:23

vanavo vanampedya napane muliduva lyantatu lyake andadyuka.” Bai vakwoda vake vandívanavo shipalodi shoe.

Mateu 27:26

Bai Pilatu andívaungulila Balabashi, Yesu jo kunshapa viboko na kuvaing'a vakankamele panshalaba.

Mateu 27:63

ndamwaulila kushidoni, “Nang'olo, wetu tunkukumbukila doni aijá munu nshwang'a àvele mumi ashishidoni, ‘Akapita maduva matatu, nangu ndadyuka.’

Malukushi 14:65

Vanji pakati pave kutunduvanga kunshunangila mata, kumwinikidya kumevo, kunkoma kutwala kumudya, “Valanga, akukanywelé nyani?” Nadoni vakushunga vaníntwala kupita vankanyola malatuma.

Malukushi 15:1

Napanelo lyamba linyeiku vanang'olo vavakulangalalela-shadaka, vanang'olo, vamwalimu vadishaliya pamo na ikamati uti yavayuda vandíikala nguguvale kutwala kumunga Yesu kumuukanavo kumwe Pilatu.

Malukushi 15:15

Bai Pilatu alota atendedye imbumba yavanu ivanagwele, andívaungulila Balabashi na akanshape Yesu viboko anínjaula vankamele panshalaba.

Lukashi 18:32

kenga, vanankamudya kwavamidi kutwala vanavo kuntukananga, kumuvyanga, kunshunangila mata,

Lukashi 23:11

Bai Elode pamo na vaing'ondo vake vaníntanila na vandímwiludyanga, kungwadya ikanju yashiumu kutwala kumuujidya kumwe Pilatu.

Lukashi 24:46

kutwala kuvaulila doni, “Vandyandika doni, indivaikila Klistu apele kutwala muliduva lyantatu adyuke pakati pavakupela

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 21:11

Nae paidile ndakadyania namu wetu, andítwala nkanda wainguvo umwe Paulu kulyunga mmadodo na mmakono kutwala kushidoni, “Imumu Wanashwe atédoni, ‘Mwene nkanda au vayuda vandamunga ku Yelusalemu kutwala kunkamudya kwavamidi.’ ”

Vitendo 4:27

Namwiu, Elode, Ponji Pilatu, vamidi pamo na vanaishilaeli vandíkadyanianga nkaja amu pakulota vapange milugu vyakummyaa ntumika wakwilimyanga áalakadile kwako, Yesu waumpakile mauta.