Mateu 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Vakumanya-dinondo avalá vakauke, andímuumililila Yoshe mwindoti njelo wake Umu kutwala kushidoni, “Takatuka! Ntwale nunu pamo na anyoke utukutile ku Mishili. Koko ko, ikala mpaka pangulota kukumanyiya uje mwaa Elode alota kunnambela nunu ammyae.”

Mateu 2:13 ပူးပေါင်းရင်းမြစ်များ

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Mateu 10:23

Panjini umo vakampapata tukutila njini unji. Ninkumwaulila mwiu doni, hamumalila shinu minjini uti vya ku Ishilaeli Mwana Wamunu ákanava kwida.

Mateu 2:12

Napanelo pavalinguligwe mwindoti pakulota havanaujile kumwe Elode, vanavo vandyúka kwave vapitila indila inji.

Mateu 2:14

Yoshe kutakatuka kuntwala nunu jo pamo na anyoke kuma shilo shosho kuka ku Mishili.

Mateu 2:16

Napanelo Elode pamanyite doni vakumanya-dinondo vaninduwanga, nae andíshimwa namene akalamulila vavabyange vana valume uti va pa Beteleemu pamo na vammakaja anyenjemwake, vana avo vavyaka vivili kwida mwina kwodana na wakati wapatilile dyabali na vakumanya-dinondo.

Mateu 2:22

Yoshe napane paigwite doni Alikalau ankulangalalela ku Yudeya adiva lyutu lyatatamunu Elode, nae andíjopa kuka kwanavo. Palinguligwe mwindoti andyúka kwisemu ya ku Galileya

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Vitendo 10:7

Bai njelo áshitangola namu Koluneli akaume, Koluneli andívashema vatumika vake vavili vapaing'ande pake namu mwing'ondo wake jumo wakwalala ntima wamushipinga shavaing'ondo vake,

Vitendo 12:11

Patulu apalá kumwida ding'ano kutwala kushidoni, “Napanelo ninkumanya mwiu doni, Umu anintumidya njelo wake kwida nanguposha kumakono kwake Elode na kunguposha muvitendo uti vyavashilota kungutenda vayuda.”

Vitendo 12:7

mwe! Njelo wake Umu apalá pulumundu, nng'ande nkalaboshi mo uti do, ngwe; njelo kunting'inianga amwimulanga aashidoni, “Takatuka shipajelo!” Muwakati wowo Patulu mang'unyang'unya mmakono mo kulumukanga

Vitendo 16:36

Kutwala nanangalaledi waikalaboshi kumwaulila Paulu kushidoni, “Vananangalaledi valibengi vandilamulila mwenu muunguligwe. Nadoni umananga muke kwaamani!”

Vitendo 5:19

Kanji shilo shake liduva alyo njelo wake Umu akashimulanga milango vyakalaboshi, akavaumidya panda kutwala kuvaulila doni,

Vitendo 7:19

Nae andítumila ujanja kuvauvyauvyanga valikola vetu mpaka nae kuvalamulila vatatamunu vavajange vana vakuvalekwa ambi kwambangidya vapalange.

Maono 12:14

Nkongwe vandímupa dimapa mbili dyashipungu nkumene kwambangidya auluke akawike mpaka kulyutu lyavampanganiangididye akulá kushimbweshe, lyutu lyalota kwikala vannisha mwaka, vyaka vivili na nushu mwaka àvele kushu na aijá nyoka.

Maono 12:4

Nshila wake andíkumba imbandi yantatu yadinondo dyakuwa kutwala kupakatiyangidya pai. Lijoka andíimila pepi na pavéle nkongwe aijá ávandike na kushuluwa annindila mwana palota kuvalekwa, ammile.

Maono 12:6

Kutwala nkongwe kutukutila kushimbweshe kulyutu lyampanganiangidídye Nnungu kwambangidya vannishe muda wamaduva alupu imo dimiya mbili na sitini.