Mateu 19:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 19:28 ပူးပေါင်းရင်းမြစ်များ

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 19:27

Patulu kutwa kumudya Yesu, “Nang'olo! Wetu vyetu uti tundileka kukwoda wako, napane tulota kupata nyamani?”

Mateu 20:21

Yesu kutwala kumudya, “Ulota nyamani?” Nae doni, “Ninkukujugwa ulivikile kuvavika vanavangu vavili ava muutawala wako, jumo kunkanakono junji kunshanda.”

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Mateu 6:33

Mwenu kanji shitandi angaikangila utawala na ishaliya yake; vinu vinji vyo, vinanjadyeka.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Malukushi 10:37

Vanavo do, “Paulota kupagwa mulishangelo lyako, tupa litala lyakwikala, jumo kunkanakono junji kunshanda kwako.”

Vitendo 3:21

Jo Yesu jo inimmaikila apagwe kuwa mpaka muwakati ulóta kukandyangigwa vinu uti, wakati wowo wavalangenge Nnungu tangu kala kwaindila yavakulava vakwilimyanga.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

II Patulu 3:13

Kanji wetu kwakwodananavo kulivikila kwake, tunkulindila kuwa kwaambi na shilambo shaambi kwailota kupagwa ishaliya.

Maono 11:16

Napanelo avalá vanang'olo ishilini na nsheshe ve vaikalénge muviteng'u vivéle pamevo pake Nnungu, vandítepa vyenye vyave kundondya pai valipudya kwa Nnungu

Maono 12:1

Napanelo kuwa kundyáneka shimanyikilo shakutikinikanga: nkongwe jumo àgwete liduva, mwedi ùvele mmadodo mwake na lidaka lyadinondo kumi na mbili lìvele mmuti mwake.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 21:5

Napanelo aijá e aikéle pashiteng'u kutwala kushidoni, “Vinu uti ninkutenda kuva vyaambi.” Kavili kushidoni, “Andika mwaa malove ala ni akukulupilika na aumwiu.”

Maono 22:2

áshipita shing'ati ibalabala yanjini awo. Kula mwangu walundi alwo upali nnandi washingumi upunígwa myanda kumi na mbili, kula mwedi unkupa shepo shake. Mamba annandi awo, atumika kwakuvaponia venentete uti vamushilambo.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.

Maono 7:4

Napane ndígwa ishabu yavanu avalá vavikígwe namakong'o, vanu avo vavele imiya imo alubaini na nsheshe alupu kwamakola uti avanaishilaeli.