Mateu 18:3 - Ibibiliya mu Shimakonde Imbodi Yaambi na dimbande dya Imbodi Yakala

³ kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 18:3 ပူးပေါင်းရင်းမြစ်များ

Mateu 13:15

Mitima vyavenentete ava vindinanopa, kwigwa vankwigwa kanji matu ave andidivana, na mevo ave andyulugwala. Leka ikavé davo vakandyona na mevo ave, vakandigwa na matu ave, kwanalela mmitima myave, kutwala kushiliuka na nangu ndikandivaponia.’

Mateu 18:2

Yesu kunshema ndyoko ndikidiki, kunkamula kumwimidya shing'ati shave

Mateu 18:4

Napavedoni woewoe álota kulishapeya kutwala kuva mwandyoko ndikidiki, aju andava nang'olo muutawala wakuwa.

Mateu 19:14

Yesu kushidoni, “Valeke vadyoko vaide kwangu, hamunavaleye! Utawala wakuwa wavanu kenga ava.”

Mateu 19:23

Napanelo Yesu kutwala kuvaulila vakwoda vake kushidoni, “Ninkumwaulila mwiu doni, pandikamadyanga namene ntajili kwinjila muutawala wakuwa.

Mateu 5:18

Ninkumwaulila mwiu doni, shilambo shakuwa na shapai vikanava kupita, hashipali shilóta kwapuka nkati mu Lilamulo ata palukavéle lutembo kwali lukweu ludikidiki vela, vindapagwa mpaka uti vitandeke.

Mateu 5:20

Napavedoni ninkumwaulila mwiu, ishaliya yenu ikanapunda yavamwalimu vadishaliya na mapalishayo, mwiko muutawala wakuwa hamwinjila.

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Mateu 6:2

Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Mateu 6:5

“Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Malukushi 4:12

pakulota “ ‘Valola avi, vandona kanji havaanalela, vaigwa avi, vandaigwa kanji havamanya shaambíka Leka ikave davo vakandishiliuka kutwala kulivalivigwa madambi ave.’ ”

Lukashi 13:24

“Likanyilidye kwambangidya mwinjilile pannango udikidiki mwaa ninkumwaulila doni, vanu voe vandalota vainjile kanji havaulula.

Lukashi 22:32

Kanji nangu ndikujugwila kwambangidya likulupililo lyako halinajaike. Napanelo wako paunguujila po, vanonowange vanung'unumunu.”

Nshuwau 1:51

Nae kuka mushu aashidoni, “Ninkumwaulila mwiu uti doni, mundona kuwa kùshimwike na vanjelo va Nnungu vakwela na vashuluka mu Mwana Wamunu.”

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Vitendo 28:27

Mwaa mitima vyavenentete ava vindinanopa; kumatu kwave vandidiva, mevo ave vandyunidya kwambangidya havanalole vamanye shinu shene, havanaigwilile vamanye shitangaléka na havanaitikile shitangaléka; leka vakatandile avyo vakandishinjiulila mitima vyave kwangu, kutwala nangu kuvaponia.’ ”

Vitendo 3:19

Nadoni lijugulange na nshiliukile pakulota madambi enu alivalivigwe

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Patulu 2:2

Kenga mmanunu, avanavo mweshe wamavele aimumu akaanganikéne na shinu shoeshoe pakulota kwaindila yaanavo, mwenu mukulumuke kwakwambolegwa

II Patulu 1:11

Mwaa kwainamuna ai mwenu mundapata aki yakwinjila kwabila kundingadinga shoeshoe muutawala úkamalilika umwe Umu wetu na Mwamboli Yesu Klistu.