Mateu 18:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Patunduvenge kutenda shikonda sho, vandímwidanavo munu jumo e avénavo udeni wanjuluku woe.

Mateu 18:24 ပူးပေါင်းရင်းမြစ်များ

Mateu 18:23

Nadoni utawala wakuwa wo uvelé mwaumu jumo áshilota atende shikonda na vatumika vake.

Mateu 18:25

Kwodamwaa havenavo shakunnipa nang'olo wake, nang'olo wake jo kulamulila vanshulushe nae, ndyagwe, vanavake na vinu uti vyavénavo pakulota udeni wo, amalidye.

Mateu 25:15

Jumo kumupa ditalendu mwanu, junji kumupa mbili kutwala wantatu jo kumupa imo, yani kwodana na lyululilo lyakula munu mwene jo kuma kuka.

Mateu 25:16

Bai akauma aijá ápatile ditalendu mwanu, nae akatenda nshulusho mpaka kwanjadyedya dinji mwanu.

Mateu 25:20

Bai akaida apalá aijá ápatile ditalendu mwanu, kumya ditalendu dinji mwanu aashidoni, ‘Nang'olo, uníngukamudya ditalendu mwanu. Lola napane nindyanjadyedya dinji mwanu.’

Mateu 25:22

Akaida aijá waditalendu mbili nanae kushidoni, ‘Nang'olo, uníngukamudya ditalendu mbili. Lola napane nindyanjadyedya dinji mbili.’

Mateu 25:24

“Kumwisho akaida aijá ápatile italendu imo kutwala kushidoni, ‘Nang'olo, nangu ndíkumanya kenga wako ni umunu wakunanapanga, únapuna paukalimile na únalimangila paukapandile.

Lukashi 13:4

Ata avalá vanu kumi na nane livagwalaléle libodo lya ku Shilowamu kutwala kupalanga, mwona kenga vavele vakutega vakumamodya kuvapunda vayelusalemu vanji uti?

Lukashi 16:5

Nae kuvashema jumo-jumo vanu vavénavo madeni kwanang'olo wake kutwala kumudya ntandi, ‘Wako nang'olo wangu akudai nyamani?’

Lukashi 16:7

Kumudya junji, ‘Wako akudai nyamani?’ Nae kushidoni, ‘Maguni miya angano.’ Mmádengo kushidoni, ‘Twala sheti shako wandike samanini.’