Mateu 18:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Mwaa poepoe pavakadyanianga vanu vavili kwali vatatu palina lyangu nangu, nangu ngupali popo.”

Mateu 18:20 ပူးပေါင်းရင်းမြစ်များ

Mateu 18:21

Bai Patulu akamuukila ndamudya, “Umu, da nung'unumunu akangutagela ninnivalive myanda mingapi? Myanda saba?”

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Nshuwau 20:19

Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Nshuwau 8:58

Yesu kushidoni, “Ninkumwaulila mwiu mwiu doni, Abulaamu akanava kuvalekwa, Nangu ni Nene.”

I Vakolintu 5:4

Pamulota kukadyanianga palina limwe Umu wetu Yesu, imumu yangu ìpagwite pamo na dimongo dimwe Umu wetu Yesu,

I Vateshalonika 1:1

Paulu, Shilivanu namu Timoti kwaliganisha lyavateshalonika lìvele nkati mumwe Nnungu Tatamunu namu Umu Yesu Klistu. Umonyo upagwe kwenu mwenu pamo na amani.

Pilemoni 1:2

pamo na numbumunu Apiya namu Alikipu mwíng'ondomwetu na liganisha likadyaniánga po paing'ande pako po.

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,

Maono 21:3

Napanelo ndígwa lidi likumene lyakwalakela pashiteng'u liishidoni, “Mwe! Ambi apa yema ya Nnungu inkupagwa na vanu na nae andanama na vanavo. Vanavo vandava venentete vake; jo mwene Nnungu ápagwa na vanavo, andava Nnungu wave.