Mateu 18:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ “Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Mateu 18:10 ပူးပေါင်းရင်းမြစ်များ

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Mateu 12:20

Nae lupambai lupwajikénge hatema, lutambi lututuma lyoi hadima, mpaka atadye ishaliya iteme.

Mateu 18:14

Nimumo momo Tatagwenu ávele kuwa hanalota shinu ata padyoko kunjaika ndyoko jumo pakati pavadyoko ava.

Mateu 18:6

Napane woewoe álota kuntadya kukuvala ndyoko jumo pakati pavadikidiki ava vangukulupíla nangu, kudyanga munu ajo kumuungangila lijanga lyakwidopa pang'ulo kuntitimidya mwimanga kumedi makumene.

Mateu 2:13

Vakumanya-dinondo avalá vakauke, andímuumililila Yoshe mwindoti njelo wake Umu kutwala kushidoni, “Takatuka! Ntwale nunu pamo na anyoke utukutile ku Mishili. Koko ko, ikala mpaka pangulota kukumanyiya uje mwaa Elode alota kunnambela nunu ammyae.”

Mateu 2:19

Napanelo ling'oto lyakupela Elode, andímuumililila Yoshe ku Mishili mwindoti njelo wake Umu

Mateu 24:31

Muwakati wowo nae andavatumidya vanjelo vake vaditalumbeta dyakuma namene vauke vakavatwalange vakutandalegwa vake mudisemu nsheshe dyamushilambo kutunduvangila nkono unji wakuwa ndamalilila nkono unji.

Lukashi 1:19

Njelo kushidoni, “Wako! Nangu Gabuliyeli ngúpagwa pamo na Nnungu, unkwigwa? Nditumigwa ngwide ngutangole namu wako ndikuvalangangila ntenga wambone vila au.

Lukashi 10:16

“Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

Lukashi 16:22

Napanelo mmashikini aju kupela, vanjelo vake Nnungu kuntwala kumuukanavo kumwe Abulaamu; nanae ntajili kupela kutwala kunshika.

Vitendo 10:3

Muliduva limo, muwakati wasatisa yalyulo, mwindoti Nnungu anínnodya Koluneli njelo wake kutwala njelo jo kunshema, “Koluneli!”

Vitendo 12:15

Vanavo kushidoni, “Unaigwa na kudulumbuka ko ni aku!” Nae kuka mushu aashidoni, “Mene mwenu, mwiu!” Vanavo, “Wako, ajo inkuululika kuva njelo wake.”

Vitendo 12:23

Kutwala popo na popo, njelo wake Umu kunkanyola Elode mwaa hampéle lishangelo Nnungu kutwala kumulya vakoko mmunda kwishidyanneu ntima, kupela.

Vitendo 27:23

mwaa shilo sho shanelo ashi aninguumililila njelo wake Nnungu, Nnungu jojo ángutandile nguve wake na wangulipudya nangu kwake

Vitendo 5:19

Kanji shilo shake liduva alyo njelo wake Umu akashimulanga milango vyakalaboshi, akavaumidya panda kutwala kuvaulila doni,

Valoma 14:10

Napane mwaa shani wako unkumuukumu nung'unumunu? Kwali mwaa shani unkumwiludyanga nung'unumunu? Mwenu, uti wetu tundapagwa palibengi lyake Nnungu

Valoma 14:21

Ni shambone kudyanga mene kumamena inyama kwali kukumbila ugwalwa na ata kutenda shoeshoe shilóta kuntadya nung'unumunu alikuvale.

Valoma 15:1

Napanelo wetu tuvakunanopa po indituvaikila tulipililile kudabadabanga kwa avalá vákananopa na i pakulota itunagwele wewe tuvene.

I Vakolintu 11:22

Da hamuve ding'ande divaikidíle mulye na mukumbile? Kwali munkwiludyanga liganisha lya Nnungu na kuvataa dyoni avalá vákave pashinu? Da nimwaulile nyamani? Nangu nintumbyange? Mene, kwaing'ano ai ninantumbyanga shinu!

I Vakolintu 16:11

Napavedoni, hanapagwe wakumwiludyanga. Mpwashele mushimwanda shake kwaamani pakulota aujile kwangu nangu mwaa nangu pamo na vanung'unumunu, tunkunnindila.

I Vakolintu 9:22

Kwavakudabadabanga nangu nguukilé ndava nkúdabadabanga kwambangidya ndivapate vakudabadabanga. Nguukilé ndava uti kwavanu uti kwambangidya kwadindila dyoedyoe ndivaambole vanji.

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

II Vakolintu 10:10

Mwaa vanji vankushidoni, “Dibalugwa dyake dinajowa na dyadimongo kanji mavalelo ake amili akudabadabanga na shitangodi shake shakulidyuka.”

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.

I Timoti 4:12

Hanapagwe wakukwiludyanga kwamwaa wakuva wako unnemba kanji ava mpano kwavakukulupila mukutangola, mushinamidyo, mulinagwaledyo, mulikulupililo na muungave-ushapu.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vabalaniya 9:24

Mwaa Klistu hainjidile Lyutu Lyakwilimyanga-uti lyavakandyenge vanu lìvele lilodyo vila lya alilá liu; nae andiinjila akulá kuwa kwene-kwene, nadoni ambi apa ankupagwa pamevo pake Nnungu yetu wetu.

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.