Mateu 16:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Yesu kuvaulila kushidoni, “Ava mevo na lishunge kwamwaa wankukumuku wamapalishayo na wamashadukayo.”

Mateu 16:6 ပူးပေါင်းရင်းမြစ်များ

Mateu 16:1

Napanelo mapalishayo pamo na mashadukayo vandímuukila Yesu nanninga kunjugwa avalodye shimanyikilo shakwalakela kuwa.

Mateu 16:11

Da mwaa shani hamunamanya shinu do nangu haninamba shinu magung'u? Napane lilaledye kwamwaa wankukumuku wamapalishayo na wamashadukayo.”

Mateu 16:12

Bai vanavo vandímanya shana kenga nae hashamba nkukumuku wamagung'u; ashamba mapundisho amapalishayo na amashadukayo.

Mateu 16:5

Napanelo vakwoda vake pavaukile mwangu nkono unji walitanda, vandílivaliva kunyukata magung'u.

Mateu 16:7

Vanavo vashindataukananga shivenevene vaashidoni, “Ni mwaa wetu wetu watukanyukete magung'u.”

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Malukushi 8:15

Napanelo ashindavaduma aashidoni, “Lilaledye! Lishunge kwaing'ano yankukumuku wamapalishayo na umwe Elode!”

Lukashi 12:1

Napanelo pavishitandeka vinu avyo, vanu makumi manga vandyúmbalanila mpaka kutadya kuluvatananga kutwala Yesu kuvashiliukila vakwoda vake kuvaulila kushidoni, “Lilaledye! Hamunapakalange nkukumuku wamapalishayo yani shinankulaba.

Lukashi 12:15

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Nshuwau 4:33

Vakwoda vake kutwa kuudyania, “Da apali munu áidile ndamupa shakulya?”

Vagalata 5:9

“Nkukumuku padiki tu, undákukumuwa unga.”