Mateu 15:32 - Ibibiliya mu Shimakonde Imbodi Yaambi na dimbande dya Imbodi Yakala

³² Yesu akavashema vakwoda vake kuvaulila, “Nangu ninkuvaanangila shididi vanu ava mwaa ankupita maduva matatu vàvele namu nangu na vovo vo havavé shakulya. Nadoni kulailananganavo vàdobile indala, hangutamwa ngwonadavo vandadilikanga ndila.”

Mateu 15:32 ပူးပေါင်းရင်းမြစ်များ

Mateu 12:40

Mo mwapagwidídye Janashi munda mwasamaki maduva matatu shilo na mui, yadavo andapagwa Mwana Wamunu maduva matatu shilo na mui pai po muulongo.

Mateu 14:13

Yesu akaigwe dyabali dyo andyúma palyutu alyo kukwela mwingalava kuka kushimbweshe gweka yake. Napanelo dimbumba dyavanu pavamanyite dindyúmananga mmakaja mwave kuka vamwoda na madodo.

Mateu 15:33

Vakwoda kutwa kumudya, “Da pakulota kuvalisha vanu ava munu apata pashi magung'u akuvatosha panalugwangwa apa?”

Mateu 20:34

Yesu kuvaanangila shididi, kuvakwaa mevo ave, muwakati wowo vanavo kulalenneu kutwala kumwoda.

Mateu 27:63

ndamwaulila kushidoni, “Nang'olo, wetu tunkukumbukila doni aijá munu nshwang'a àvele mumi ashishidoni, ‘Akapita maduva matatu, nangu ndadyuka.’

Mateu 9:36

Nae akone dimbumba kwadimbumba dyavanu andyánangila shididi mwaa wakuvona kudabadabanga na kujaikanga kenga dingandolo díkave nkúshunga.

Malukushi 9:22

Nomomo myanda vyoe anánjela pamoto na mmedi alota ammyae. Napanelo ukaulula kutenda shinu shoeshoe, twanangila shididi, tupwashela!”

Lukashi 7:13

Umu akamwone namwili jo andímwanangila shididi kutwala kushidoni, “Haunalile.”

Vitendo 27:33

Kumatingatinga Paulu andívalaililila vanu uti valyange vyakulya atangola kushidoni, “Kwoda maduva kumi na nsheshe andipita mulijugulanga na pamukapamba yolo,

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.