Mateu 14:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Yesu kunyaladyedyanneu nkono kunkamula kutwala kushidoni, “Umunu walikulupililo lidikidiki, mwaa shani undyambambidya?”

Mateu 14:31 ပူးပေါင်းရင်းမြစ်များ

Mateu 14:30

Pagwene napane imepo kupunga na dimongo nae kujopa. Akatunduvanga kutitimila kutwala kutangola pashanya po aashidoni, “Nang'olo nguposha!”

Mateu 14:32

Napane vanavo vainjila mwingalava, imepo yo kulimaladya do, jii.

Mateu 16:8

Yesu amanya makumbukililo ave andívaulila kushidoni, “Mmanu mmalikulupililo lidikidiki, mwaa shani munkutaukananga ing'ano yakumwova magung'u?

Mateu 17:20

Nae kushidoni, “Ni kwamwaa walikulupililo lyenu lidikidiki. Ninkumwaulila mwiu doni, mukavanavo likulupililo kenga imbeju yanshupi mundalamulila lishinga ali do, ‘Tumuka apa wena apalá,’ lyanavo kuka. Hashipali shilóta kunkamadyangidya.”

Mateu 6:30

Napane ikava kenga maukutu amumwitu anáma jo nelo lunduno kujela pamoto Nnungu ankunnemya, kushi mwenu mmanu mmalikulupililo lidikidiki hannemya kupunda apo?

Mateu 8:26

Nae kushidoni, “Mwenu mmanu mmalikulupililo lidikidiki mwaa shani munkujopa?” Nae kutakatuka apalá kutangalela shimbunga sho pamo na litanda, vyanavo kulimaladya do, kimyaa.

Malukushi 1:31

Nae kumuukila aijá nnwele kunkamula nkono, kuntakatuwa, nnwele jo kupona kutwala kutunduvanga kuvatumikila.

Malukushi 1:41

Nae andímwanangila shididi shoe namene na andínyalodya nkono wake kutwala kunkwaa kumwaulila doni, “Elo ndilota, takata!”

Malukushi 11:23

Ninkumwaulila mwiu kenga munu woewoe átangalela lishinga ali doni, ‘Bubuka apa uke ukalijele mwimanga,’ atangola bila kwambambidyanga muntima mwake, akulupila kenga vyatangwele vindátandeka, vindatandakela mo mwatangaladile.

Malukushi 16:7

Kanji napane, wena mukavaulile vakwoda vake pamo namu Patulu kenga nae ankuka alangalela ku Galileya. Koko ko, mundamwona kenga mo mwamwaulidíle.”

Malukushi 4:40

Nae kuvaudya vakwoda vake kushidoni, “Mwaa shani mwenu munkujopa namene? Da hamunava kuvanavo likulupililo?”

Malukushi 5:41

Nae aninkamula kutwala kushidoni, “Talita kumi!” mana ake doni, “Ndyoko, nangu ninkukulamulila, takatuka!”

Lukashi 24:34

vaashidoni, “Mwenu, Umu andidyuka mwiu! Simoni jo andimwona shana mwene.”

Vitendo 4:30

akuno unyalodya nkono wako kwakuponia, kwavimanyikilo na kwavyakutikinikanga palina lyantumika wako wakwilimyanga, Yesu.”

I Timoti 2:8

Napavedoni ninkulota kula lyutu valume uti vashwalye vànyanywile mikono vyakwilimyanga bila shitundi na bila kutaukananga.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.