Mateu 13:51 - Ibibiliya mu Shimakonde Imbodi Yaambi na dimbande dya Imbodi Yakala

⁵¹ Napanelo Yesu andívaudya, “Da mundigwa shana vinu avi uti?” Vanavo do, “Elo tundigwa.”

Mateu 13:51 ပူးပေါင်းရင်းမြစ်များ

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Mateu 13:19

Munu akaigwilila lilove lyámba utawala, akanaigwa shana, andáaloka nkalau kumpokenneu lilove lyavapandile muntima mwake. Aju ni imbeju igwilidíle nanyenje indila.

Mateu 13:50

Vakalau vo kuvajela kulitungulu kushinu kulota kupagwa shililo na kutuka shulu nkanywa.”

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Mateu 15:17

Da hamumanyite kenga vinu uti vinjilíla pakanywa vyuka mmunda kutwala kuka nshoo?

Mateu 16:11

Da mwaa shani hamunamanya shinu do nangu haninamba shinu magung'u? Napane lilaledye kwamwaa wankukumuku wamapalishayo na wamashadukayo.”

Mateu 24:15

“Napanelo pamulota kwona shakudabukanga shiídanavo kubamola shávalangenge nkúlava Daniele shìimidile palyutu lyakwilimyanga, munu áshomya amanye mana ake.

Malukushi 4:34

Hashitangola na vanu bila kutumila mikong'o kanji pashipagwa na vakwoda vake gweka uti ashindavavalangangila mana ake.

Malukushi 7:18

Nae kushidoni, “Da namwenu momo hamunamanya shinu? Da hamunamanya shinu kenga shinu shapanda shiinjíla mumili mwamunu hashuulula kuntaa ushapu?

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.