Mateu 13:47 - Ibibiliya mu Shimakonde Imbodi Yaambi na dimbande dya Imbodi Yakala

⁴⁷ “Namomo utawala wakuwa uvelé mwalungau lwavatajile mmedi kutwala kujola dyomba dyakula namuna.

Mateu 13:47 ပူးပေါင်းရင်းမြစ်များ

Mateu 13:44

“Napanelo utawala wakuwa uvelé mwamali alipiídye mulishamba, aanaladíle munu jumo kutwala nae kupiya kavili. Napane kwamwaa wakumuumbala lipuwilo, andyúka nashulusha vinu vyake uti vyavénavo kuka ndashuma lishamba alyo.

Mateu 13:46

Nae pakadidye lijanga limo livénavo mali oe andyúka ndashulusha uti vyavénavo kuka ndashuma lijanga alyo.

Mateu 13:48

Dyomba dikajole dyoe vene kuutidya lungau kumwangu kutwala kwikalanga, kutandola dyomba dyambone kujela muvikapu vyave dyomba kaligwa dyo, kujaa ako.

Mateu 4:19

Nae kuvaulila kushidoni, “Ngwoda! Nangu nantenda muve mmanu mmakuvaka vanu.”

Malukushi 1:17

Napanelo nae kuvaulila, “Ngwoda nangu pakulota nangu nintende muve mmanu mmakuvaka vanu.”

Lukashi 5:10

namomo vanavake Shebedeu, Tiyagu namu Nshuwau vavagwe Simoni, navanavo vandíshanga. Kanji Yesu kumwaulila Simoni kushidoni, “Haunajope, kutunduvangila ambi apa wako undava umunu wakuvaka vanu.”

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

Nshuwau 15:6

Leka munu akapagwa nkati mwangu, munu ajo akandijalegwa ako kenga lutavi kutwala kujuma. Dinavi adyo vandalakota, kujela pamoto kutwa kupya.

Vitendo 20:30

Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

I Vakolintu 11:19

mwaa indivaikila vipagwe vipinga pakati penu pakulota vakukubaligwa pakati penu vamanyike.

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

Vagalata 2:4

Ing'ano ai ishashambwike na vanung'unumunu vakushang'apa vainjidíle na malotelo ashipiipii. Vanavo vandílijalanianga kwida ndapalalesha unaiti wetu watuvenavo nkati mumwe Klistu Yesu kwambangidya vatuukenavo muutumwa.

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.