Mateu 13:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Kwodamwaa havé dinyija, hanalikiniya. Kupata kwene mauvilo kwali kupapatigwa, kuujinneu kunyuma.

Mateu 13:21 ပူးပေါင်းရင်းမြစ်များ

Mateu 10:22

Vanu uti vanammangedya kwamwaa wangu nangu napane aijá álota kulipililila mpaka kumwisho andaambwalegwa.

Mateu 11:6

Andijaligwa aijá ákangunyatila nangu.”

Mateu 13:20

Imbeju igwilidíle padinyanga ni munu áigwilila lilove kutwala kupwashalela na lipuwilo.

Mateu 13:57

Nadoni vanavo vashinammikila shitundi. Yesu kutwala kushidoni, “Nkúlava havanamwiludyanga ila mushilambo shake na pakaja pake.”

Mateu 13:6

Palikamadile liduva, milandi vyo kujuminneu mwaa dinyija hadilitavalakadíle.

Mateu 24:13

napane aijá álota kulipililila mpaka kumwisho, ajo andaambwalegwa.

Mateu 26:31

Napanelo Yesu ankuvaulila kushidoni, “Mwenu uti shilo sho shanelo ashi munangwambukanga mwaa indyandikigwa doni, “ ‘Nammyaa nkúshunga kutwala dingandolo dyamushipinga asho kumwadilikananga.’

Mateu 26:33

Patulu kutwala kushidoni, “Ata ikava kenga vavangu ava uti vandakuleka, nangu mwiko handikuleka!”

Malukushi 4:17

kanji kwamwaa úkave wakuvanavo dinyija, lilove lyo lipagwa muwakati padyoko mwaa vikavakodya vyamapipili kwali kupapatigwa kwamwaa walilove, vanavo vandájaika.

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

Nshuwau 6:26

Yesu akavajang'ula kushidoni, “Nangu ninkumwaulila mwiu mwiu doni, mwenu munkungulambela i kwamwaa wakwona vimanyikilo ila mwaa wakulya magung'u mpaka kwikuta.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vagalata 6:12

Napane uti avalá valóta valyaneshe wambone mumili, avo ni vamuungíla mwenu mukumuligwe likumbi kwambangidya bai havanapapatigwe kwamwaa wanshalaba umwe Klistu.

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

Vaepeshu 3:17

Klistu aname mmitima vyenu kwaindila yalikulupililo kwambangidya mwenu, mulinatela na muliikiniya mulinagwaledyo,

Vapilipo 1:6

Ninkuvanavo wakika kenga aijá átunduvenge shimadengo shambone nkati mwenu, andatadya shiwikile popo mpaka muliduva limwe Klistu Yesu.

II Timoti 1:15

Wako undimanya doni uti vamulijimbo lya ku Ashiya vaningwambukanga, pakati pave Pigelu namu Elimogeneshi.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.