Mateu 13:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kula munu ávenavo vandamwanjadyedya kuvanavo vyoe. Ákavenavo ata sho shavenavo sho, vanampoka.

Mateu 13:12 ပူးပေါင်းရင်းမြစ်များ

Mateu 21:43

“Napavedoni ninkumwaulila, utawala wa Nnungu mwenu vanampoka kuvapa venentete vanji valóta kulodya vyepo vyake.

Mateu 25:29

Kula ávenavo vandamupa na andavanavo kupunda apo. Napane aijá ákavenavo, ata sho shavenavo sho, vanampoka.

Malukushi 12:9

Napanelo mwene lishamba jo alota kutandela mwashi? Nae andaida ndavabyanga uti vakulima avo kutwala lishamba lyo kuvapa vanu vanji.

Lukashi 10:42

kanji shilatégwa ni shinu shimo. Ni Maliya átandwele shinu asho shambone, hayululika kumpoka.”

Lukashi 12:48

Kanji aijá ákashimanya malotelo anang'olo wake kanji akowa likosha livaikidíle vanshape, vananshapa viboko padyoko. Nadoni munu woewoe wavampele vinu vyoe, vanandai vyoe na wavankamudidye vinu vyoe, vanandai vyakupunda apo.

Lukashi 16:2

Nae kunshema wankamudidye aijá kumudya, ‘Da vyandikwigwanga avi kushidashi? Ngupa ishabu yakushunga kwako mwaa wako hauva shinu kavili wakukamulila vyangu.’

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Lukashi 8:18

Igwilila shana vyanimwaulila mwaa munu ávenavo, Nnungu andamwanjadyedya na aijá ákavenavo, sho padyoko shalyona kuvanavo sho, Nnungu anampoka.”

Lukashi 9:26

Munu woewoe akangwanangila nangu dyoni na kwanangila dyoni malove angu, muliduva lyakwida Mwana Wamunu na lishangelo lyake, mulishangelo lyolyo lyatatake na lyavanjelo vakwilimyanga, nanae munu ajo andamwanangila dyoni.

Tiyagu 4:6

Ila nae ankutuumbadya umonyo namene kenga mwatangalela Maandiko, “Nnungu ankuvapinga vakulyona kanji ankuvapa umonyo avalá valishapéya.”

Maono 2:5

Kumbukila pashi paugwile. Lijugulange na tandedya vitendo vyako vitandi. Ukanalijugulanga, ninkukwidila ndausha itaa yako palyutu lyake.