Mateu 12:42 - Ibibiliya mu Shimakonde Imbodi Yaambi na dimbande dya Imbodi Yakala

⁴² Namomo paukumu andatakatuka umu nkongwe wakwina shilambo kwimila pakati pavanu vaimbula ai kuvaukumu. Nae pakulota kwigwilila limanyilo lyake Shalomoni, aaleké kumwisho shilambo. Mwenu! Apa apali nang'olo kuliko Shalomoni.

Mateu 12:42 ပူးပေါင်းရင်းမြစ်များ

Mateu 12:41

Avalá vanenive paukumu vandatakatuka kwimila kuvaukumu vanu vaimbula ai. Vanenive vo, pavaigwite kuvalanganga kwantenga kumwe Janashi vandílijugulanga. Mwenu! Apa apali nang'olo kuliko Janashi.

Mateu 12:6

Bai nangu ninkumwalila doni, apa apali nang'olo kuliko ing'ande yake Nnungu.

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.