Mateu 12:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Mmanu mmashinankulaba mmakunyata mitima mwe! Mwenu mulota kutangola dashi malove ambone akuno mùvele mmanu mmakunyata mitima? Munu atangola vimuumbéle muntima mwake.

Mateu 12:34 ပူးပေါင်းရင်းမြစ်များ

Mateu 12:35

Munu wakwalala ntima, mulipeta lyake lyambone aumya vinu vyambone. Munu wakunyata ntima, mulipeta lyake lyakunyata aumya vinu vyakunyata.

Mateu 15:18

Napane ashilá shúma nkanywa shaaloka muntima. Asho ni shintádya munu kuva nshapu.

Mateu 23:33

“Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Lukashi 3:7

Nadoni Nshuwau andyáulila imbumba yavanu imwidilíle avape ubatisho kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shida?

Lukashi 6:45

Munu wakwalala ntima mwaa wavyambone vipagwíte muntima mwake, nae aumadyanga vinu vyambone kanji munu wakunyata ntima mwaa wavyakunyata vipagwíte muntima mwake, nae aumadyanga vinu vyakunyata. Kula munu atangola kwodana na vimuumbéle muntima mwake.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Vaepeshu 4:29

Malove akunyatanga hanaume nkanywa mwenu ila aume malove ambone avaikidíle kuvadenga vanu kwodananavo malotelo ave kwambangidya malove enu ape umonyo kwa avalá vaígwa.

Vaepeshu 5:4

ata malove akunyata, aujinga na antau ákavaikidile kanji paikave davo po, kupagwe kulambwalela.

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.