Mateu 12:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Mwe! Mo mushitala mo kupagwa munu jumo wakudidimanga nkono. Vanavo valota vapate shakunkanidyanga Yesu, vandímudya, “Da lilamulo linkutuleka kumponia munu muliduva lyakupumula?”

Mateu 12:10 ပူးပေါင်းရင်းမြစ်များ

Mateu 12:2

Mapalishayo pavagwene davo vakaashidoni, “Wako, vakwoda vako vankutenda shinu shilaéka muliduva lyakupumula.”

Mateu 19:3

Napanelo mapalishayo vandímwidila ndamudya vanninga vaashidoni, “Da lilamula linkutuleka munu kunneka ndyagwe kwamwaa waing'ano yoeyoe?”

Malukushi 3:2

Mo mushitala mo, vashinannaledya namene valota vamwone ikava kenga anamponia munu ajo muliduva lyakupumula pakulota vapate nkanidyo wakunkashalidya.

Lukashi 11:54

vannumbata vapate nkanidyo kumili kwake.

Lukashi 13:14

Nanangalaledi wamushitala ashanga mwaa wakuponia Yesu muliduva lyakupumula, nae andyáulila imbumba yavanu kushidoni, “Apali maduva sita avaikidíle kukola madengo; mumaduva lolo lo, idananga vamponie kanji muliduva lyakupumula ali, um, mene.”

Lukashi 20:22

Napanelo twaulila! Ni shambone nkati mulilamulo lyetu kunnipa Shashali ukodi kwali mene?”

Lukashi 23:14

“Mwenu muningupalakadyedya munu aju na munimmalanganga kenga ankuvatindinganianga venentete. Kanji lola, nangu paninnalyenge nae pamevo penu, haningwene likosha lyoelyoe pakati pavinu uti vyamumwaulenge

Lukashi 23:2

Vanavo vandítunduvanga kuntambudyanga vinu vaashidoni, “Munu aju tuninkadyedya avatindinganianga venentete vetu aleya kunnipa Shashali ukodi wakunnodya nae kuva umu wetu na kavili jojo kulivika jo mwene kuva Klistu yani umu.”

Nshuwau 5:10

Vayuda napane vanímwaulila aijá munu wavamponídye kushidoni, “Nelo liduva lyakupumula, nkati mulilamulo haivaikidile wako kunyukata litandiko lyo.”

Nshuwau 5:3

Muvitala vyovyo vyo, vashindalalanga valwele voe, vakuputala mevo, vakulamala na vakudidimanga madodo.

Nshuwau 7:23

Ikava kenga munkunkumula mwana likumbi muliduva lyakupumula pakulota Lilamulo lyake Musha halinatimbikange, mwaa shani munkunguvikila shitundi mwaa wakumponia nangu munu mili wake uti muliduva lyakupumula?

Nshuwau 8:6

Vandímudya davo vantela ntego pakulota vapate lilove lyakunkanidyanga. Yesu apalá akatepa kutwala kutunduvanga kwandika na shala pai.

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.