Mateu 11:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ “Idananga kwangu mwenu uti díndabadabyenge dibasha, nangu nampumudya.

Mateu 11:28 ပူးပေါင်းရင်းမြစ်များ

Mateu 11:29

Lyunge likangoti lyangu na lipundishe kwangu. Nangu ni wakulimaladya na wantima wakulishapeya na mwenu mundapata kupumula kwaungumi wenu.

Mateu 23:4

Vandáunga dibasha dyakwidopa dikamadyánga mwakunyakatila kuvatika vanu vanji vene kulamana na kudabunya vela.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 7:37

Napanelo muliduva lyashidududu, liduva likumene lyakumalilanga shikukulu, Yesu andítakatuka kwimila kutwala kutangola pashanya po aashidoni, “Akapagwa ínkadile inyota, aide kwangu akumbile.

Vitendo 15:10

Napanelo mwaa shani munkumwangonga Nnungu pakuvatika ligogo likumene vakwoda lyavakaulwile vanakuluvetu kulitika ata nawetu momo?

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Vagalata 5:1

Ivele mupagwe muunaiti shitadídye Klistu amwambole; napavedoni linatele, hamunatawaligwe kavili na likangoti lyautumwa.

II Vateshalonika 1:7

kutwala kumupa mwenu múuvauvanga kupumula pamo namu wetu. Ashi shindatandeka paaneka Umu Yesu aumilila kuwa pamo na vanjelo vake vadimongo

Vabalaniya 4:1

Napavedoni pakuva kulivikila aku kwakwinjila mukupumula kwake Nnungu kunkupagwa mpaka ambi, bai indituvaikila tujope kwambangidya hanapagwe ata jumo pakati penu wakwanakananga kukowa mene kuwikila shabaa.

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.