Mateu 10:2 - Ibibiliya mu Shimakonde Imbodi Yaambi na dimbande dya Imbodi Yakala

² Mena avamyombe avo kumi na mbili ni ala: ntandi, Simoni wavanshema Patulu pamo na nung'une walina Andaleya, kwatika Tiyagu mwanagwe Shebedeu pamo na nung'une walina Nshuwau,

Mateu 10:2 ပူးပေါင်းရင်းမြစ်များ

Mateu 17:1

Napanelo akapite maduva sita, Yesu akantwala Patulu, Tiyagu namu Nshuwau nung'une Tiyagu kuvaukanavo gwekayavo ndakwela palishinga lyakulepa.

Mateu 20:20

Napanelo nkongwe jumo jujugwave vanavake Shebedeu andímuukila Yesu pamo na vanavake nanguguvalila kutwala kunjugwa amwangangole shinu shimo.

Mateu 26:37

Nae kuntwala Patulu namu vanavake Shebedeu vavili. Bai kutunduvanga kumwida shipalodi na kumwida kwangaikanga

Mateu 4:18

Napanelo Yesu apita awena nanyenje litanda lya Galileya, andívona vanung'unumunu vavili, Simoni wavanshema Patulu pamo na nkulumunu Andaleya vateja dingau dyave mulitanda. Vovo vo, shimadengo shave shivele shakwaka dyomba.

Mateu 4:21

Paukile mushu padyoko kuvona vanung'unumunu vanji vavili, Tiyagu na nung'unumunu Nshuwau vanavake Shebedeu vatataliyanga dingau dyave mwingalava pamo na tatagwave, nae kuvashema.

Malukushi 1:29

Napanelo vakaumanange mushitala amulá, Yesu aníntwala Tiyagu namu Nshuwau kuka mpaka paing'ande yashiikala Simoni na nkulumunu Andaleya.

Malukushi 13:3

Yesu akaikala pashanya lishinga lyamilandi vya Ulivela livéle shalatoto naing'ande ya Nnungu, Patulu, Tiyagu, Nshuwau namu Andaleya kumudya kwagweka kushidoni,

Malukushi 6:30

Napanelo avalá vamyombe vandyúja kuka kumwe Yesu kutwala kummalangangila vinu uti vyavatandile na vyavapundishidye.

Lukashi 11:49

Nimomo mwalitangaladile Limanyilo lya Nnungu doni, ‘Ndavapalakadyedya vakulava na vamyombe, vanji vandavabyaa vanji vo kuvapapata,’

Lukashi 22:14

Wakati pauwikile, Yesu andíikala pandamu pamo na vamyombe vake

Lukashi 22:8

Likawike, Yesu aníntuma Patulu namu Nshuwau aashidoni, “Wena mukapanganiange shikukulu sha Pasaka tulye.”

Lukashi 5:10

namomo vanavake Shebedeu, Tiyagu namu Nshuwau vavagwe Simoni, navanavo vandíshanga. Kanji Yesu kumwaulila Simoni kushidoni, “Haunajope, kutunduvangila ambi apa wako undava umunu wakuvaka vanu.”

Lukashi 9:10

Napanelo vamyombe vake avalá pavaujite vanímmalangangila uti vinu vyavatandile. Kutwala apo Yesu andívaukanavo nkono wakunjini wa Beteshaida vanyema padyoko.

Nshuwau 12:22

Pilipo ankuka ndamwaulila Andaleya kutwala uti vavili, vankuka ndamwaulila Yesu.

Nshuwau 13:23

Napane andíikala pepi-pepi namu nae po pandamu nkwóda wake jumo aijá washinnagwaledya namene Yesu.

Nshuwau 20:2

Nadoni nae ankutukuta, ankumuukila Simoni Patulu na nkwóda junji aijá washinnagwaledya namene Yesu, ankuvaulila doni, “Umu mushonga mo, vandimumya. Hatunamanya shinu kwavaukile nammika.”

Nshuwau 21:2

mulyutu alyo vandípagwa pamo Simoni Patulu, Tome áshimanyika Didimu, Nataniyele wa ku Kanaa ya ku Galileya, vanavake Shebedeu na vakwoda vanji vavili.

Nshuwau 21:20

Napanelo Patulu akashiliuka kutwala kumwona aijá nkwóda washinnagwaledya namene Yesu amwoda. Aju avele aijá e atapíle muwakati wavashilya shakulya shashilo na amuudídye Umu doni, “Nyani álota kukulimya?”

Nshuwau 21:24

Aju ni nkwóda jojo áumya ushuda wavinu avi na áandike. Wetu tunkumanya kenga ushuda wake wo, wìu.

Nshuwau 6:67

Napanelo Yesu andívaudya avalá kumi na mbili kushidoni, “Da namwenu momo mulota mungwambukange?”

Nshuwau 6:70

Yesu kuvajang'ula kushidoni, “Da nangu hanintandwele mwenu kumi na mbili? Bai munu jumo pakati penu ankuva Ndamoni.”

Nshuwau 6:71

Yesu pashitangola davo ashimwamba Yudashi mwanagwe Simoni Shikaliyote mwaa jojo jo, avele jumo pakati pa avalá kumi na mbili, ni jojo akaukíle nannimya Yesu mushumwake.

Nshuwau 6:8

Nkwóda junji Andaleya, nung'une Simoni Patulu akaashidoni,

Vitendo 1:13

Vanu avo, yani Patulu, Nshuwau, Tiyagu namu Andaleya, kwida Pilipo, Tome, Balutolomeu namu Mateu, kwatika Tiyagu mwanagwe Alupeu, Simoni aijá Shelote namu Yudashi mwanagwe Tiyagu, pavawikile nkaja amulá vandyúka ndainjila mushumba shavawikidíle shapashanya ulungu.

Vitendo 1:26

Vakatende shimwavi shinínkalela Matiyashi; nadoni nae vanímpambanianga mushipinga shavamyombe kumi na moja avalá.

Vitendo 12:2

Nae anínshinda na lyambila Tiyagu nung'une Nshuwau

Vitendo 3:1

Muliduva limo muwakati wasatisa wakati wakushwali, Patulu namu Nshuwau vauka shalumo kwing'ande ya Nnungu.

I Vakolintu 15:7

Kutwala apo, kumuumilila Tiyagu ling'oto kuvaumilila vamyombe uti.

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

I Patulu 1:1

Patulu, myombe umwe Yesu Klistu kwavakutandalegwa vamwadilikanénge na vanáma kenga vakwaloka ku Pontu, Galata, Kapadokiya, Ashiya na ku Bitiniya;

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

II Nshuwau 1:1

Kwanang'olo kuka kwankongwe wakutandalegwa pamo na vanavake, vo vandivanagwaledya kwaumwiu na i gweka nangu ndivanagwaledya kanji namomo uti avalá vamanyíte umwiu,

III Nshuwau 1:1

Kwanang'olo kuka kumwe wakunagwaleka Gayu, aijá waninnagwaledya kwaumwiu.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”

Maono 22:8

Nangu Nshuwau ningugwene na kwigwa vinu avi. Ling'oto lyakwigwa na kwona, ndíguguvala mmadodo mwake aijá njelo áshingulodya vinu avyo ngulota ngulipudye kwake.