Mateu 10:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napane vakankamudya kwavanavo, hamunajugulange mukumbukila mwakutangalela kwali shakutangola. Shakutangola sho, mundapata muwakati wowo

Mateu 10:19 ပူးပေါင်းရင်းမြစ်များ

Mateu 10:18

Vandamuukanavo kwavanang'olo vamajimbo na kwavaumu kwamwaa wangu nangu pakulota muve mmashuda vangu kwavanavo na kwavamidi.

Mateu 6:25

“Napavedoni nangu ninkumwaulila hamunaangaikangile shingumi shenu kwa ashilá shamulota kulya kwali shamulota kukumbila na ata mili vyenu kwa ashilá shakulota kugwadya. Da shingumi i shinu shikumene kupunda shakulya na mili i shinu shamana kupunda dinguvo?

Mateu 6:31

“Bai mwenu hamunaangaikange muushidoni, ‘Tulota kulya nyamani?’, ‘Tulota kukumbila nyamani?’, ‘Tulota kugwala nyamani?’

Mateu 6:34

Nadoni hamunangaikangile liduva lyalunduno mwaa vyalunduno, vyalunduno. Migagolo vyaliduva limo vinkutosha kwaliduva lyolyo.

Lukashi 12:11

Mwenu vakamuukanavo kuvitala vyakulipudidya, kwavakutawala na kwavamadalaka, hamunangaikange mulambela mwakulishililididya na mwakutangalela

Lukashi 12:12

mwaa muwakati wowo, Imumu Wanashwe anampundisha mwakutangalela.”

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.

Vapilipo 4:6

Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.