Maono 9:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Avalá vákapadile muvyaushanga avyo, havalijugulénge ata padyoko vela yakulipudya kwamajini na kwavinu vyavakandyenge vo vene yani mashinamu ashaabu, alyava, ankuva, amajanga pamo na amilandi, ákaulula kulola, kwigwa na ata kuwena.

Maono 9:20 ပူးပေါင်းရင်းမြစ်များ

Mateu 21:32

Mwaa Nshuwau andímwidila mwenu nannodya indila yaishaliya kutwala mwenu me kunkulupila. Vakukatisha-ukodi na vakulavalava vo vaninkulupila, napane mwenu ata mwona avi, hamulijugulenge pakulota munkulupile.

Vitendo 17:29

“Napanelo ikava kenga wetu ni udukulu wake Nnungu, haivaikidile tukumbukile kenga unnungu unkulinganana na lishinamu lyashaabu, lyashitali shavanakandyanga dyela kwali lyalijanga lyavadile munu kwamakumbukililo na ulanda wake mwene.

Vitendo 19:26

Mwenu munkwona na munkwigwa shana vinu vyapita atenda munu wavanshema Paulu akuno ku Epeshu na mpaka Ashiya yene ai uti. Nae andívashomba na andivashinjiulanga vanu atangola doni, ‘Vannungu vakuvakandyanga vanu vene havanava shinu vannungu vaiu.’

Vitendo 7:41

Bai vandíkandyanga lishinamu lyakuva mwamwana wang'ombe nannume kutwala kushindanga dinyama dyakuntandela shadaka na kutenda shikukulu shakutumbyanga lishinamu lyavakandyénge.

II Vakolintu 12:21

Ninkujopa pangwida kavili po, Nnungu wangu kunguvika mudyoni pamevo penu na ndatangadikanga kwamwaa wa avalá vatagíle kala kutwala mene kulijugulanga kwaushapu, kwauwendi na kwakulauka kwavatandile.

I Timoti 4:1

Imumu napane ankutangola ngala doni, muwakati wamwisho vanji vandaambukanga likulupililo kwigwilila dimumu dyakuduwanga na mapundisho avandamoni,

Maono 15:1

Napanelo kuwa ko nindyóna shimanyikilo shinji shikumene na shakutikinikanga: vavele vanjelo saba vànyukete vyaushanga saba vyamwisho, muvyaushanga avyo ni pashiwikila popo shitundi shake Nnungu.

Maono 16:8

Njelo wansheshe andimiminila ndamu wake paliduva kutwala liduva lyo kupata lyululilo lyakupiya namene.

Maono 9:19

Madalaka avapunda avo avele ndikanywa na mmishila vyave mwaa mishila vyave vivele kenga dinyoka na kuvanavo myuti vyakubyaila.

Maono 9:21

Namomo havalijugulénge yakubyaa kwave, yawavi wave, yakulavalava kwave na yakwiva kwave.