Maono 9:2 - Ibibiliya mu Shimakonde Imbodi Yaambi na dimbande dya Imbodi Yakala

² Napane akaungule nnango wa ku Litavaleva, lyoi lyamulitavaleva lindíkwela, lyolyo lyo livele kenga lyapashivanda shikumene. Liduva pamo na niania vindídimba kwamwaa walyoi líshaalakela ku Litavaleva.

Maono 9:2 ပူးပေါင်းရင်းမြစ်များ

Vitendo 2:19

Kuwa kumaundi ndalodya vyakutikinikanga, mushilambo shapai ndalodya vimanyikilo, vindaaneka myadi, moto na lyoi lyakutita dimumu.

Maono 14:11

lyoi livauvyauvyánga vanu avo, lindakwela ngwengwe ngwengwe. Koko ko, shilo na mui halipagwa shinu litala lyakupumula avalá valipúdya kumwe lidimu pamo na lishinamu lyake, namomo uti avalá vavikígwe numalu walina lyake.”

Maono 16:10

Njelo wamwanu andímiminila ndamu wake pashiteng'u sha aijá lidimu kutwala muutawala wake kwinjila shii. Kwamwaa wakupwateka, kula munu ashindamamena lulimi lwake,

Maono 8:12

Njelo wansheshe andyómba lipalapanda kutwala kuligwa imbandi yantatu yaliduva, yamwedi, yadinondo na mpaka imbandi yantatu yavinu avyo indídimba. Imbandi yantatu yamui na yashilo momo, indídimba do pii!

Maono 9:1

Njelo wamwanu andyómba lipalapanda kutwala nangu kwona inondo ikanywéke kuwa ìgwilidile pai. Inondo jo vandímupa mungulilo wannango wa ku Litavaleva.

Maono 9:11

Vovo vo, vankuvanavo umu wave yani njelo wa ku Litavaleva, mushibalaniya Abadoni na mushigalegu, Apoliyoni.

Maono 9:17

Mumaono, amu ni mwandivaanalele vapunda pamo na vakuvatukusha vave vàvedoni, vikopa vyave vivenavo dilangi dyakuvilingananga: vyanauvi kenga moto, vyakibulu kenga majanga alimashi na vyamanjano kenga dindimi dyaipataki. Myuti vyavapunda avo vivele mwamyuti vyavantumi na ndikanywa mushindauma moto, lyoi pamo na ipataki.