Maono 9:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Mumaono, amu ni mwandivaanalele vapunda pamo na vakuvatukusha vave vàvedoni, vikopa vyave vivenavo dilangi dyakuvilingananga: vyanauvi kenga moto, vyakibulu kenga majanga alimashi na vyamanjano kenga dindimi dyaipataki. Myuti vyavapunda avo vivele mwamyuti vyavantumi na ndikanywa mushindauma moto, lyoi pamo na ipataki.

Maono 9:17 ပူးပေါင်းရင်းမြစ်များ

Maono 11:5

Munu álota kulingangila kuvatenda kunyata, ndikanywa mwave mundauma moto wakuvalya vammongo vave. Amu ni muvaikidíle kupalangila avalá valóta kuvatenda kunyata vanu avo.

Maono 14:10

namomo andakumbila vinyu vyakushimwa kwake Nnungu vyavamiminidile muluwene lwashitundi shake bila kudimulanga. Leka apo, jojo jo andauvauvanga moto na ipataki pamevo pavanjelo vakwilimyanga na pamevo pa Ngandolo;

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 21:20

shamwanu kunemya na lyashalidoniya, shasita kunemya na lyanauvi, shasaba kunemya na lyakilisholitu, shanane kunemya na lyabelilu, shatisa kunemya na lyatopashiu, shakumi kunemya na lyakilishopalashu, shakumi na moja kunemya na lyayashitu kutwala shakumi na mbili kunemya na lyanshambalau.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 9:18

Kwamwaa wavyaushanga avi vitatu, moto, lyoi na ipataki víshuma ndikanywa, indípela imbandi yantatu yavanu.

Maono 9:9

pashuva pave vandívanavo vikopa kenga vikopa vyavitali, shilindimu shadimapa dyave shivele mwashilindimu shamalingishi avapunda voe vatukutíla kwing'ondo.