Maono 8:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Njelo ntandi andyómba lipalapanda kutwala imbula yadinyanga na moto wanganikéne na myadi kujalegwa mushilambo. Imbandi yantatu yashilambo, imbandi yantatu yamilandi na uti udani umbii, vindítikinyuka.

Maono 8:7 ပူးပေါင်းရင်းမြစ်များ

Tiyagu 1:11

liduva lindáuma, palinavala namene po, maukutu andajuma kutwala dinduva kupakatika na kwalala kwake ko, kutimbikanga. Nimumo momo ntajili andatimbikanga pakati pashimadengo shake.

I Patulu 1:24

Mwaa “Vanu uti vankuva kenga udani, kushenga kwave uti kunkuva kenga induva yaudani. Udani undajuma na dinduva dinanyala,

Maono 12:4

Nshila wake andíkumba imbandi yantatu yadinondo dyakuwa kutwala kupakatiyangidya pai. Lijoka andíimila pepi na pavéle nkongwe aijá ávandike na kushuluwa annindila mwana palota kuvalekwa, ammile.

Maono 16:2

Njelo ntandi andyúma kutwala kumiminila ndamu wake mushilambo, avalá uti vavénavo numalu umwe lidimu na kulipudya kulishinamu lyake, vandíbabukanga makana akujowa.

Maono 16:21

Kuwa ko, indívatanyela vanu imbula yadinyanga ding'umene, kula inyanga ishindaidopa dikilo kenga salasini na tano doni, vanavo vanínkupulu Nnungu kwamwaa waimbula ayo mwaa mauvilo lo, andímamodya.

Maono 6:8

Ndikalole ndímwona punda wailangi yaliu. Ánkwadile punda ajo, vashinshema Kupela, Kumoka kushindamwoda pepi-pepi. Vovo vo, vandivapa madalaka akuvabyaa vanu na lyambila, indala, vilwele na vanyama vakukalipa mwimbandi yansheshe yashilambo.

Maono 7:1

Napanelo vikapite avyo, ndívona vanjelo nsheshe vàimilenge mumatununa nsheshe amushilambo vàkamwile dimepo nsheshe dyamushilambo vadivilila kwambangidya hadinapungile shilambo, ata imanga na ata nnandi woewoe.

Maono 9:15

Nadoni vandyúnguligwa avalá vanjelo nsheshe vavapanganienge kwambangidya mwisaa ayo, liduva alyo, mwedi awo na mwaka awo, vabyae imbandi yantatu yavanu.

Maono 9:18

Kwamwaa wavyaushanga avi vitatu, moto, lyoi na ipataki víshuma ndikanywa, indípela imbandi yantatu yavanu.

Maono 9:4

Lolo lo, andílamuliligwa pakulota havaananangange udani wamushilambo, mamba na ata milandi ila vanu vákavikigwe namakong'o wake Nnungu pavyenye.