Maono 7:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Vanu avo mwiko haivakola indala kavili, inyota na ata pavakona kupiya liduva kwali kuuduwa.

Maono 7:16 ပူးပေါင်းရင်းမြစ်များ

Mateu 13:21

Kwodamwaa havé dinyija, hanalikiniya. Kupata kwene mauvilo kwali kupapatigwa, kuujinneu kunyuma.

Mateu 13:6

Palikamadile liduva, milandi vyo kujuminneu mwaa dinyija hadilitavalakadíle.

Mateu 5:6

Vandyalaligwa avalá vavénavo indala na inyota yaishaliya, mwaa vanavo vandaikuta.

Malukushi 4:17

kanji kwamwaa úkave wakuvanavo dinyija, lilove lyo lipagwa muwakati padyoko mwaa vikavakodya vyamapipili kwali kupapatigwa kwamwaa walilove, vanavo vandájaika.

Malukushi 4:6

Likakamele liduva nnandi wo kunyala kutwala kujuma mwaa dinyija hadilitavalakadíle.

Lukashi 1:53

Andiviikutiya vyambone vákave pashinu, vatajili kuvakumulanga shing'alang'ala.

Lukashi 6:21

Mundyalaligwa mwenu múvele na indala ambi apa, mundaikuta. Mundyalaligwa mwenu múlila ambi apa, mundeka.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Tiyagu 1:11

liduva lindáuma, palinavala namene po, maukutu andajuma kutwala dinduva kupakatika na kwalala kwake ko, kutimbikanga. Nimumo momo ntajili andatimbikanga pakati pashimadengo shake.

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”