Maono 6:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Bai andyúma punda junji wanauvi. Ánkwadile punda ajo, andípata madalaka akusha amani mushilambo kwambangidya vanu vabyaanange shivenevene, namomo vandímupa lyambila likumene.

Maono 6:4 ပူးပေါင်းရင်းမြစ်များ

Mateu 10:34

“Hamunakumbukile kenga nangu ngwidinavo amani mushilambo amu. Hangwidinavo amani, ngwidinavo ing'ondo.

Mateu 24:6

Mundaigwa ding'ondo na manyinyi ading'ondo, mwenu po, hamunajope. Vinu avyo vindivaikila vitandeke ila haunava shinu mwisho.

Nshuwau 19:11

Yesu kushidoni, “Wako haunavenavo madalaka kwangu nangu leka madalaka alo akaalakadile kuwa. Nadoni aijá ángukamudidye kwako wako ni ávenavo madambi akumamodya.”

Maono 12:3

Namomo ko kuwa ko kundyáneka shimanyikilo shinji: mwe! Lijoka likumene lyanauvi lyakuvanavo myuti saba na dimembe kumi, myuti mo kuvanavo madaka saba.

Maono 13:10

Wavampangidile kutwaligwa mateka, mateka andatwaligwa. Wavampangidile kupela lyambila, lyambila andapela. Nadoni apa ni patakígwa kunanopa na kukulupila kwavakwilimyanga.

Maono 17:3

Napanelo njelo aníngutwala mu Imumu kunguukanavo kushimbweshe. Ako ndímwona nkongwe jumo àikele pashanya palidimu lyanauvi vàmwandikenge mena oe akukupulu, àvenavo myuti saba na dimembe kumi.

Maono 17:6

Napane kutwa kumwona aijá nkongwe àmbalwidye myadi vyavakwilimyanga na vyavanu váshumya ushuda umwe Yesu. Paningwene, ngujeeme vila.