Maono 6:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo ndímwona Ngandolo ánamatula ishelu itandi pakati pa adilá saba. Kutwala kumwigwa jumo pakati pa avilá viumbi nsheshe átangola lidi lyakuva kenga ing'uva aashidoni, “Ida!”

Maono 6:1 ပူးပေါင်းရင်းမြစ်များ

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Vitendo 4:20

Mwaa wetu apa, vyatwona na vyatwigwa hatuulula kuleka kutambulanga.”

Maono 11:19

Napanelo ing'ande yake Nnungu kuwa ko indíshimuka, nng'ande mo kutwala kwaneka lishanduku lyaimbodi yake Nnungu. Nadoni kundyúmilila kumeta, shilindimu, ding'uva, shindangenda na kutonya imbula ing'umene yadinyanga.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Maono 14:2

Namomo kuwa ko lindíigwinika lidi lyakuva kenga libubu lyamedi na kenga lyaing'uva yadimongo. Madi alo ashiigwinika kenga avakwomba-kanyembe pavavomba vakanyembe

Maono 19:6

Namomo ndígwa lidi lyakuva kenga lyadimbumba dyavanu, lyakuva kenga libububu na lyakuva kenga shilindimu shading'uva liishidoni, “Aleluya! Mwaa Umu Nnungu wetu Wadimongo-uti, ankutawala.

Maono 4:8

Viumbi nsheshe avyo kula shiumbi shinkuvanavo dimapa sita vàumbaligwidye mevo mumili uti mpaka nkati dimapa. Vanavo shilo na mui havanapumula shinu vaashidoni, “Wakwilimyanga, wakwilimyanga, wakwilimyanga ni Umu Nnungu Wadimongo-uti apagwíte, ápagwite na álota kwida.”

Maono 5:1

Napanelo munkono wakunkanakono umwe aijá áikele pashiteng'u, ndyóna shidingo shavaandike nkati na panda vànamatidyenge dishelu saba.

Maono 5:12

vaimba pashanya po vaashidoni, “Ávaikidile kupata dimongo na mali, limanyilo na lyululilo, ishima, lishangelo na litumbyangilidyo ni Ngandolo ábyaigwe.”

Maono 5:8

Akapwashalele, avilá viumbi nsheshe pamo namu avalá vanang'olo ishilini na nsheshe vandíguguvalanga mpaka vyenye kundondya pai mushu mwa Ngandolo. Kula munu pakati pave andívanavo kanyembe na midamu vyashaabu vyakuumbala lubani, vyanavo ni kushwali kwavakwilimyanga.

Maono 6:3

Ngandolo panamatwile ishelu yambili, ndímwigwa shiumbi wambili aashidoni, “Ida!”

Maono 6:5

Ngandolo panamatwile ishelu yantatu ndímwigwa shiumbi wantatu aashidoni, “Ida!” Ndikalole kutwa kumwona punda wakudimba, ánkwadile punda ajo, andínyukata mmakono mwake ikapani.

Maono 6:7

Napanelo Ngandolo panamatwile ishelu yansheshe, ndígwa lidi lyashiumbi shansheshe liishidoni, “Ida!”

Maono 8:1

Napanelo Ngandolo panamatwile ishelu yasaba kuwa kundímalalika wakati kenga wanushu isaa.