Maono 5:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Ling'oto ndímwona Ngandolo áshaaneka kenga andibyaigwa àimidile shing'ati shiteng'u vàntang'anadidye viumbi nsheshe na avalá vanang'olo. Jojo jo, andívanavo dimembe saba na mevo saba, alo ankwitika kuva dimumu saba dya Nnungu dyatumididye mushilambo uti.

Maono 5:6 ပူးပေါင်းရင်းမြစ်များ

Lukashi 1:69

Nkati muudukulu umwe Daudi ntumika wake, andimuumidya wadimongo wakuposha wetu wetu

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Nshuwau 1:36

Pamwonite Yesu apita andítangola doni, “Mwenu! Ngandolo wa Nnungu aju.”

Vitendo 8:32

Napanelo lipungu lyamaandiko lyashishomya lishishidoni, “Vanintwala kenga mwavanantwalila ngandolo wavamuukanavo kukunshinda, mo mwanamalalila ngandolo pavankaja magwimbu, nanae momo hajamwile ikanywa.

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Maono 14:1

Mwe! Ndikalole, ndímwona Ngandolo àimidile palishinga lya Shiyau pamo na vanu imiya imo alubaini na nsheshe alupu vaandikígwe pavyenye vyave lina lya Ngandolo na lya Tatamunu.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 21:22

Mo munjini mo hangugwéne ing'ande ya Nnungu mwaa ako, ing'ande ya Nnungu ni Umu Nnungu Wadimongo-uti pamo namu Ngandolo.

Maono 21:23

Njini awo haunalateka shinu liduva kwali mwedi pakulota kumulikila mwaa lishangelo lya Nnungu linkumulikila kutwala itaa yake kuva aijá Ngandolo.

Maono 22:1

Napanelo njelo aníngulodya lundi lwamedi ashingumi kenga shilolo shakulangala, áshaaloka pashiteng'u shake Nnungu na sha Ngandolo,

Maono 22:3

Dilana munjini awo, hadipagwa. Shiteng'u sha Nnungu pamo na sha Ngandolo shindapagwa munjini na vatumika vake vanantumika,

Maono 4:8

Viumbi nsheshe avyo kula shiumbi shinkuvanavo dimapa sita vàumbaligwidye mevo mumili uti mpaka nkati dimapa. Vanavo shilo na mui havanapumula shinu vaashidoni, “Wakwilimyanga, wakwilimyanga, wakwilimyanga ni Umu Nnungu Wadimongo-uti apagwíte, ápagwite na álota kwida.”

Maono 5:11

Napanelo ndílola kutwala kwigwa lidi lyavanjelo voe, vipinga vyave vivele makumi manga vàtang'anadidye shiteng'u pamo na avilá viumbi, vanang'olo

Maono 5:12

vaimba pashanya po vaashidoni, “Ávaikidile kupata dimongo na mali, limanyilo na lyululilo, ishima, lishangelo na litumbyangilidyo ni Ngandolo ábyaigwe.”

Maono 5:13

Napanelo ndígwa kula shiumbi shivéle kuwa, mushilambo, pai, mwimanga na uti vipagwíte amo viishidoni, “Kwake aijá áikele pashiteng'u na kumwe Ngandolo, litumbyangilidyo na ishima, lishangelo na utawala vipagwe ngwengwe ngwengwe.”

Maono 5:14

Avilá viumbi nsheshe kushidoni, “Ame.” Bai vanang'olo avalá vandíguguvala kutwala kulipudya kwake.

Maono 6:16

vatangalela mashinga na majanga kushidoni, “Tubulikidya utupiye kwambangidya hatunone ing'ope imwe aijá áikele pashiteng'u namomo utupiye mushitundi shake Ngandolo.