Maono 4:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Viumbi nsheshe avyo kula shiumbi shinkuvanavo dimapa sita vàumbaligwidye mevo mumili uti mpaka nkati dimapa. Vanavo shilo na mui havanapumula shinu vaashidoni, “Wakwilimyanga, wakwilimyanga, wakwilimyanga ni Umu Nnungu Wadimongo-uti apagwíte, ápagwite na álota kwida.”

Maono 4:8 ပူးပေါင်းရင်းမြစ်များ

Vitendo 20:31

Napavedoni lilaledye mukumbukila doni, nangu muvyaka vitatu shilo na mui hangulakadile kunyuma kunnangalalela kula munu pakati penu ngulilidyanga.

II Vakolintu 6:18

Nangu ndava tatamunu kwenu na mwenu mundava mmana valume na vakongwe kwangu nangu, atangola Umu Wadimongo-uti.”

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

I Timoti 4:16

Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

Vabalaniya 13:8

Yesu Klistu ni jojo, lido, nelo na ngwengwe.

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 1:8

“Nangu ni Alupa na Omega,” atangola Umu Nnungu, “jojo ápagwite, e apagwíte na álota kwida, ni Wadimongo-uti.”

Maono 11:17

vaashidoni, “Tunkukulambwalela Umu Nnungu Wadimongo-uti úpagwite na we upagwíte mwaa undilodya dimongo dyako ding'umene na unditunduvanga kutawala.

Maono 14:11

lyoi livauvyauvyánga vanu avo, lindakwela ngwengwe ngwengwe. Koko ko, shilo na mui halipagwa shinu litala lyakupumula avalá valipúdya kumwe lidimu pamo na lishinamu lyake, namomo uti avalá vavikígwe numalu walina lyake.”

Maono 14:3

vaimba lwimu lwaambi po pashiteng'u po pamevo paviumbi nsheshe na pa avalá vanang'olo. Lwimu alwo hapali hashulula kulipundisha ila avalá imiya imo alubaini na nsheshe alupu vashumigwídye mushilambo.

Maono 15:3

akuno vaimba lwimu lumwe Musha ntumika wake Nnungu na lwa Ngandolo: “Makango, vitendo vyako, vìkumene, Umu Nnungu Wadimongo-uti. Dindila dyaishaliya dyaumwiu, dyàko, Umu wavenentete.

Maono 15:7

Napanelo shiumbi shimo pakati pa avalá nsheshe andíjaula midamu saba vyashaabu kuvapa avalá vanjelo saba, midamu avyo vyùmbele shitundi shake Nnungu ánama ngwengwe ngwengwe.

Maono 16:14

Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.

Maono 16:7

Napane ndígwa alutali luushidoni, “Elo Umu Nnungu Wadimongo-uti, ukumu yako ni yaumwiu na yaishaliya.”

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 19:4

Napanelo avalá vanang'olo ishilini na nsheshe pamo na avilá viumbi nsheshe, vandíguguvala mpaka vyenye kundondya pai valipudya kwa Nnungu áikele pashiteng'u vaashidoni, “Ame, Aleluya!”

Maono 21:22

Mo munjini mo hangugwéne ing'ande ya Nnungu mwaa ako, ing'ande ya Nnungu ni Umu Nnungu Wadimongo-uti pamo namu Ngandolo.

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula:

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.

Maono 4:6

Namomo mushu mwashiteng'u asho, shinkupagwa shinu mwaimanga yashilolo kenga lijanga lyakulangala. Nyenje mwake shiteng'u vinkupagwa viumbi nsheshe vyakuvaumbala mevo mushu na kunyuma.

Maono 4:9

Napanelo viumbi avilá kula mwanda pavamupa lishangelo, ishima na kunnambwalela aijá áikele pashiteng'u, jojo ánama ngwengwe ngwengwe,

Maono 5:6

Ling'oto ndímwona Ngandolo áshaaneka kenga andibyaigwa àimidile shing'ati shiteng'u vàntang'anadidye viumbi nsheshe na avalá vanang'olo. Jojo jo, andívanavo dimembe saba na mevo saba, alo ankwitika kuva dimumu saba dya Nnungu dyatumididye mushilambo uti.

Maono 6:1

Napanelo ndímwona Ngandolo ánamatula ishelu itandi pakati pa adilá saba. Kutwala kumwigwa jumo pakati pa avilá viumbi nsheshe átangola lidi lyakuva kenga ing'uva aashidoni, “Ida!”

Maono 6:6

Ndigwa mwalidi lyakwalakela pakati pa avilá viumbi nsheshe liishidoni, “Ipishi imo yangano kwadinali imo, dipishi nnatu dyashavada kwadinali imo kanji haunaanangange mauta na vinyu.”

Maono 7:11

Vanjelo uti vandíimilanga vàtang'anadidye shiteng'u, vanang'olo pamo na avalá viumbi nsheshe kutwala kuguguvala vyenye kundondya pai valipudya kwa Nnungu

Maono 7:15

“Ni ashi shitádya vapagwe mushu shiteng'u sha Nnungu; vanavo vankutumika shilo na mui mwing'ande yake; aijá áikele pashiteng'u andavakunjupulila yema yake.