Maono 3:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Napavedoni ninkukulingula wide kwangu ushume vinu avi: shaabu ipitidíle pamoto pakulota uve utajili, dinguvo dyanashwe ugwale pakulota dyoni dyawou wako hadinaaneke na ntela upake mevo ako pakulota ulole.

Maono 3:18 ပူးပေါင်းရင်းမြစ်များ

Mateu 13:44

“Napanelo utawala wakuwa uvelé mwamali alipiídye mulishamba, aanaladíle munu jumo kutwala nae kupiya kavili. Napane kwamwaa wakumuumbala lipuwilo, andyúka nashulusha vinu vyake uti vyavénavo kuka ndashuma lishamba alyo.

Mateu 25:9

Vading'ano vo kushidoni, ‘Hatutamwa! Twonadavo mauto lo, hatutosha wetu namu mwenu. Wena ko kwavanashumidya ko, mukashume.’

Lukashi 12:21

Shinu ashi shinkulandananga na munu álikungailila mali kanji akavele ntajili pamevo a Nnungu.”

II Vakolintu 5:3

ikava kenga mwiu tùgwete ing'ande ayo, hatwaneka kuva matakudavo.

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

Maono 16:15

“Lola, ninkwida kenga ninkwíva! Andyalaligwa aijá álilaledya na ákondya dinguvo dyake kwambangidya hanawene matakudavo na kutaa dyoni paumbala.”

Maono 19:8

Vandimupa agwale inguvo yakunamikanga, yakumalameta na yakutakata.” Inguvo yakunamikanga yo ni matendo aishaliya avakwilimyanga.

Maono 2:9

“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Maono 3:17

Wako uushidoni, ‘Nangu nintajili, nditajilika doni na hashipali shingwova.’ Kumbe haunalimanya shinu kenga wako wakuvauvanga, útaa shididi, úkave pashinu, wakuputala na úve matakudavo.

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.

Maono 7:13

Kutwala nang'olo jumo pakati pavanang'olo aníngudya, “Da ava vagwalénge dikanju dyanashwe vananyani na vaalakadilé kwashi?”