Maono 3:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Wako uushidoni, ‘Nangu nintajili, nditajilika doni na hashipali shingwova.’ Kumbe haunalimanya shinu kenga wako wakuvauvanga, útaa shididi, úkave pashinu, wakuputala na úve matakudavo.

Maono 3:17 ပူးပေါင်းရင်းမြစ်များ

Mateu 5:3

“Vandyalaligwa avalá vamashikini mwimumu, mwaa vanavo utawala wakuwa wàve.

Mateu 9:12

Yesu paigwite malove alo kushidoni, “Vangumi havanannambela nkúlaula. Vanánnambela nkúlaula, valwele.

Lukashi 1:53

Andiviikutiya vyambone vákave pashinu, vatajili kuvakumulanga shing'alang'ala.

Lukashi 6:24

“Kanji mupambale mwenu mmatajili mwaa mundipata tayali kupambadyangigwa kwenu.

Valoma 11:20

Mwiu. Dyanavo vandipanyulanga kwamwaa waungakulupila wave, napane wako unkupagwa kwaindila yalikulupililo. Nadoni haunalitumbyange kanji jopa.

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

Valoma 7:24

Ninkúva nangu mwenu! Nyani álota kunguposha na mili au wakupela?

II Patulu 1:9

Mwaa aijá ákavenavo vinu avi, andiputala ankwona bai vyapepi àlivalidile kuushaniangigwa ushapu washimadambi shake shakala.

Maono 16:15

“Lola, ninkwida kenga ninkwíva! Andyalaligwa aijá álilaledya na ákondya dinguvo dyake kwambangidya hanawene matakudavo na kutaa dyoni paumbala.”

Maono 2:9

“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Maono 3:16

nadoni kwoda mwaa wako uve pakatipakati, haunadidima shinu na haunapiya shinu, bai nguve pepi-pepi na kukutapika.