Maono 3:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ “Ndimanya vitendo vyako, wako haunadidima shinu na ata haunapiya shinu. Kudyanga paukavéle wakudidima kwali wakupiya;

Maono 3:15 ပူးပေါင်းရင်းမြစ်များ

Mateu 10:37

“Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

Mateu 24:12

Linagwaledyo lyavanu voe lindapunguka kwamwaa wakwanjadyeka ungave-lilamulo,

Mateu 6:24

“Hapali munu wakuulula kuvatumikila vanang'olo vavili. Jumo anammangedya, junji jo kunnagwaledya; jumo kumwigwilila, junji jo kumwiludyanga. Mwenu hamuulula kuntumikila Nnungu akuno mutumikila mali.

Valoma 12:11

Mwidukuduku, hamunadidimange. Mu Imumu, jaulila. Umu, ntumike.

I Vakolintu 16:22

Ikava kenga munu hanannagwaledya shinu Umu Yesu Klistu, apate dilana! Umu wetu, ida!

II Vakolintu 12:20

Mwaa ninkujopa doni pangwida ako, nankodya mwenu i mwangulatela nangu, namomo nangu munangukodya i mwamulatela mwenu. Ninkujopa kupagwa pakati penu ding'ondo, ing'ou, shishimwashimwa, umongo, kunyambiyanga, kung'wenya, kulyona na upuju.

Vapilipo 1:9

Aku ni kushwali kwangu, linagwaledyo lyenu mwenu lyanjadyeke kupunda apo nkati mulimanyilo na mukujavanianga

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

Tiyagu 1:8

mwaa ankuvanavo makumbukililo auju kuvili na ákananopa nkati mushinamidyo shake.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

Maono 2:2

“ ‘Nangu ndimanya vitendo vyako, kulyuvyauvyanga kwako, kunanopa kwako na haunavapambedya shinu avalá vatandédya vyakunyata; namomo undivatenda nningo valivíka kuva vamyombe kumbe vákavele kutwala kuvaanalela kuva vakushang'apa.

Maono 2:4

Ila napane shipali shikunyatyánga; wako undileka linagwaledyo lyako litandi.

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.

Maono 3:16

nadoni kwoda mwaa wako uve pakatipakati, haunadidima shinu na haunapiya shinu, bai nguve pepi-pepi na kukutapika.