Maono 3:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Ninkwida shipajelo! Kamulila ashilá shauvenavo kwambangidya hanatwale munu lidaka lyako.

Maono 3:11 ပူးပေါင်းရင်းမြစ်များ

I Vakolintu 9:25

Uti avalá vánaliinjidyanga mumashindano, vanavo vandálilaledya muvinu uti. Kwavanavo, vankutenda davo vapate lidaka litimbikánga napane wetu tutenda pakulota tupate líkatimbikanga.

Vapilipo 4:5

Wambone wenu umanyike kwavanu uti. Umu avé pepi.

II Timoti 2:5

Namomo aijá átenda mashindano akutukuta hapata lidaka akanatandedya mashindano aodedya mulatéka.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

Tiyagu 5:9

Mmanung'unumunu, hamunakashalyane kwambangidya hamunaukumigwe. Mwenu, Nkúukumu jo avelé pannango.

Maono 1:3

Andyalaligwa aijá áshomya na vandyalaligwa avalá vaigwilíla malove amaono ala na kuvikila kuntima vinu uti vyandikíke; mwaa wakati undivandika.

Maono 16:15

“Lola, ninkwida kenga ninkwíva! Andyalaligwa aijá álilaledya na ákondya dinguvo dyake kwambangidya hanawene matakudavo na kutaa dyoni paumbala.”

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.

Maono 2:25

ila ashilá shamuvenavo, kamulila na dimongo mpaka nangu pangulota kwida.

Maono 22:12

“Lola, ninkwida ambi popa! Dinudyo dyangu dyangwidanavo ndamupa kula munu kwodananavo shimadengo shake.

Maono 22:20

Aijá áumya ushuda wavinu avi ankushidoni, “Elo ninkwida ambi popa.” Ame. Ida Umu Yesu!

Maono 22:7

“Lola ninkwida ambi popa! Andyalaligwa aijá átandedya malove amaono amulibuku ali.”

Maono 3:3

Kumbukila avilá vyaupatile na vyawigwite, tandedya na lijugulange. Napane ikava kenga hauva mevo, bai ndakwidila kenga nkwíva, wako haumanya isaa yangulota kukwidila.

Maono 4:10

vanang'olo ishilini na nsheshe avalá vandáguguvalanga mpaka vyenye kundondya pai pamevo pamwe aijá áikele pashiteng'u, valipudya kwa aijá ánama ngwengwe ngwengwe na vavika madaka ave mushu shiteng'u vaashidoni,

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.