Maono 22:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Ling'oto njelo aníngwaulila doni, “Malove ala akukulupilika na maiu. Umu, Nnungu wadimumu dyavakulava, anintumidya njelo wake kwambangidya avalodye vatumika vake vinu vilóta kutandeka muwakati wakuvandika.”

Maono 22:6 ပူးပေါင်းရင်းမြစ်များ

Mateu 13:41

Mwana Wamunu andavatuma vanjelo vake kutwala vanavo kukungailila pamo muutawala wake avilá uti vitádya lipagwe lidambi na avalá uti vatandédya ungave-lilamulo.

Lukashi 1:70

kenga mo mwatangaladile kwaindila yavakulava vakwilimyanga vakala

Lukashi 16:16

Lilamulo na Vakulava vindyaloka vitawala mpaka wakati umwe Nshuwau. Kutunduvangila apo, ntenga wambone wautawala wa Nnungu unkuvalangangigwa na kula munu álikanyilidya ankwinjila.

Vitendo 12:11

Patulu apalá kumwida ding'ano kutwala kushidoni, “Napanelo ninkumanya mwiu doni, Umu anintumidya njelo wake kwida nanguposha kumakono kwake Elode na kunguposha muvitendo uti vyavashilota kungutenda vayuda.”

Vitendo 3:18

Kanji napavedoni, Nnungu anditandedya ashilá shatangwéle kala kwaindila yavakulava vake uti kenga Klistu wake inimmaikila auvauvange.

Valoma 1:2

wo walivikidile tangu kala kwaindila yavakulava vake nkati mumaandiko akwilimyanga

I Vakolintu 14:32

Dimumu dyavakulava dinkulalyangigwa na vo vene vakulava.

I Vakolintu 7:29

Shangulota kutangola mmanung'unumunu ni ashi; wakati undidadakanga. Nadoni kutunduvangila ambi apa, avalá valombíle, vaname kenga havalombile;

II Vateshalonika 1:7

kutwala kumupa mwenu múuvauvanga kupumula pamo namu wetu. Ashi shindatandeka paaneka Umu Yesu aumilila kuwa pamo na vanjelo vake vadimongo

Vabalaniya 12:9

Leka apo, wetu tundivanavo vatatavetu vatuvaléke kwashimunumunu váshituduma na wetu tushindavaishimu. Da haivaikidile kulivika poe namene mwina mwatatagwetu waungumi pakulota tuname?

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

II Patulu 3:2

yakunkumbuwanga malove atangaléke wakati wapanyuma kwaindila yavakulava vakwilimyanga na alilá lilamulo limwe Umu na Mwamboli lyamuukile ndapundishigwa na vamyombe venu.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”

Maono 19:9

Njelo kutwala kungwaulila doni, “Andika: Vandyalaligwa avalá valalikígwe kupagwa pandamu washitamo shimwe Ngandolo!” Kavili kungwaulila kushidoni, “Ala ni malove aumwiu ake Nnungu.”

Maono 21:5

Napanelo aijá e aikéle pashiteng'u kutwala kushidoni, “Vinu uti ninkutenda kuva vyaambi.” Kavili kushidoni, “Andika mwaa malove ala ni akukulupilika na aumwiu.”

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”

Maono 22:1

Napanelo njelo aníngulodya lundi lwamedi ashingumi kenga shilolo shakulangala, áshaaloka pashiteng'u shake Nnungu na sha Ngandolo,

Maono 22:16

“Nangu Yesu nintumidya njelo wangu aide aumye ushuda wavinu avi kwenu mwenu mmaganisha. Nangu ni Ntipu na Udukulu umwe Daudi, Inondo Yalyalosho ing'ála.”

Maono 22:7

“Lola ninkwida ambi popa! Andyalaligwa aijá átandedya malove amaono amulibuku ali.”

Maono 4:1

Vikapite vinu avi, ndilola kutwala kwona kuwa nnango ùshimwike. Namomo alilá lidi lyangwigwíte kunantandi litangola namu nangu kenga lipalapanda, lyolyo kutwala kushidoni, “Kwela wide apa, nangu ndakulodya vinu vilóta vitandeke ling'oto lya avi.”