Maono 22:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.

Maono 22:17 ပူးပေါင်းရင်းမြစ်များ

Nshuwau 1:37

Vakwoda vavili avalá pavaigwite malove alo vandímwoda Yesu.

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Nshuwau 4:11

Nkongwe aijá do, “Nang'olo, wako hauvé shombo shakutakela na shima shindikadaleka, napane medi ashingumi lo, ulota kupata kwashi?

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 4:29

“Ida munnole munu ánguvalangenge vinu uti vyangutandile kanji kwali Klistu?”

Nshuwau 7:37

Napanelo muliduva lyashidududu, liduva likumene lyakumalilanga shikukulu, Yesu andítakatuka kwimila kutwala kutangola pashanya po aashidoni, “Akapagwa ínkadile inyota, aide kwangu akumbile.

Valoma 3:24

vavalangiligwa kuva ishaliya muumonyo wake kenga inudyo kwaindila yakwambola kupagwíte nkati mumwe Klistu Yesu.

I Vakolintu 2:12

Kanji napane wetu hatupatile imumu yamushilambo ashi kanji Imumu áalakadile kwake Nnungu pakulota tumanye vinu vyatupele Nnungu monyo.

Maono 14:13

Napanelo kuwa ko lindíigwinika lidi liishidoni, “Andika! Vandyalaligwa avalá valóta kupela nkati mumwe Umu kutunduvangila ambi apa kuka mushu.” Imumu ankushidoni, “Elo, vanavo vandapumula shimadengo shave shadimongo mwaa vyepo vyashimadengo shave, vindavoda.”

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 21:2

Namomo ndyóna njini wakwilimyanga Yelusalemu yaambi ishuluka kuwa kwa Nnungu kenga nkúlombwa wavampanganiyenge na kunnemya shana auka kwantwagwe.

Maono 21:6

Aníngwaulila kavili doni, “Vindiwikila popo. Nangu ni Alupa na Omega, Nantandi na Wamwisho. Ávenavo inyota ndamupa akumbile monyo papandukenge medi ashingumi.

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”

Maono 22:1

Napanelo njelo aníngulodya lundi lwamedi ashingumi kenga shilolo shakulangala, áshaaloka pashiteng'u shake Nnungu na sha Ngandolo,

Maono 22:16

“Nangu Yesu nintumidya njelo wangu aide aumye ushuda wavinu avi kwenu mwenu mmaganisha. Nangu ni Ntipu na Udukulu umwe Daudi, Inondo Yalyalosho ing'ála.”

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”