Maono 22:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.

Maono 22:15 ပူးပေါင်းရင်းမြစ်များ

Mateu 7:6

“Hamunavape vang'avanga vinu vyakwilimyanga na ata hamunavape vanguluve majanga amali. Vovo vo vankuulula kuluvatanga kutwala kumuujila mwemwe mmene kunshapwalanga.

Mateu 8:12

napane avalá vene utawala kujalegwa panda kushii. Kwanavo ko kundapagwa shililo na kutuka shulu nkanywa.”

Nshuwau 8:46

Kwaupande washimadambi, wakwashi pakati penu wakunguundukula? Napanelo ikava nangu umwiu ninkutangola, mwaa shani hamunangukulupila shinu?

Vitendo 8:11

Nae vashamaliya vashindamwishimu namene mwaa dimindi dyoe ashindavatikiniyanga na vitendo vyake vyashaviavi.

Vapilipo 3:2

Lishunge kwa avalá vang'avanga. Lishunge kwa avalá vaténda ukalau. Lishunge kwa avalá vaanónga mili.

Vakoloshu 3:6

Kwamwaa wavinu avi shinkwida shitundi shake Nnungu [kwa avalá vákaigwilila].

I Timoti 1:10

vakulauka pamo na valalána shilumelume, vaténda nshulusho wavatumwa, vakushang'apa, valilápa kwaushwang'a na uti avilá vipínga mapundisho mangumi,

Maono 18:23

Mulingongo lyako, mwiko hamulangala kavili moto wavyenje. Nkati mwako, mwiko haliigwinika kavili lidi lyankúlomba kwali nkúlombwa. Mwaa vamishulusho vako, vavéle vakumene mushilambo shapai, kwawavi wako, venentete uti vandyáshalanga,

Maono 21:27

Mwanavo, mwiko shinu shishapu hashiinjila, ata munu átandedya vyakudabukanga kwali vyakushang'apa; ila vandainjila bai avalá vaandikígwe mena ave mulibuku lyashingumi limwe Ngandolo.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”