Maono 21:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 21:8 ပူးပေါင်းရင်းမြစ်များ

Mateu 10:28

Hamunavajope avalá vabyáa mili vákaulula kubyaa ungumi ila njope jo áulula kubamola uti mili ungumi kushena.

Mateu 25:25

Napanelo kwamwaa wakukujopa, ndítwala italendu yako yo kuka ndapiya pai. Lola, shako sho, ashi.’

Mateu 8:26

Nae kushidoni, “Mwenu mmanu mmalikulupililo lidikidiki mwaa shani munkujopa?” Nae kutakatuka apalá kutangalela shimbunga sho pamo na litanda, vyanavo kulimaladya do, kimyaa.

Malukushi 9:44

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

II Vateshalonika 2:9

Kwida kumwe waungave-lilamulo kulota kwodananavo shimadengo shimwe Shatwani kwadimongo uti, vimanyikilo na vyakutikinikanga vyaushwang'a

I Timoti 4:2

kwamalambi avakushang'apa vavénavo makumbukililo amuntima aanyóka.

Titu 1:16

Vanavo vankulivalanganga kummanya Nnungu kanji muvitendo vyave, vankumwita. Vovo vo ni vanu vakunyatilika, vákaigwilila na vákapai kwakula shimadengo shambone.

Vabalaniya 12:24

mundiwika kumwe Yesu nkúdumangila waimbodi yaambi na myadi vyake vyamyajangidile, vitangóla shana kuliko myadi vimwe Abeli.

Vabalaniya 13:4

Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

I Nshuwau 2:22

Da nshwang'a ni wakwashi? Nshwang'a ni aijá ántauka Yesu kuva Klistu; munu aju ni mmongo wake Klistu jo ántauka Tatamunu na Mwanamunu.

I Nshuwau 3:15

Aijá ámmangedya nung'unumunu ajo ni shimalivanu; mwenu mundimanya kenga hapali shimalivanu ávenavo nkati mwake shingumi shíkamalilika.

I Nshuwau 5:10

Aijá ánkulupila Mwana wa Nnungu, ankuvanavo ushuda au nkati mwake. Aijá ákankulupila Nnungu, ankuntenda kuva nae nshwang'a mwaa hanakulupila shinu ushuda waumya Nnungu kwamwaa wa Mwanagwe.

Maono 14:10

namomo andakumbila vinyu vyakushimwa kwake Nnungu vyavamiminidile muluwene lwashitundi shake bila kudimulanga. Leka apo, jojo jo andauvauvanga moto na ipataki pamevo pavanjelo vakwilimyanga na pamevo pa Ngandolo;

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 2:11

“ ‘Ávenavo matu, aigwe vyatangola Imumu na maganisha. Nkútema, mwiko hashintandeka shinu mukupela kwambili.’ ”

Maono 2:2

“ ‘Nangu ndimanya vitendo vyako, kulyuvyauvyanga kwako, kunanopa kwako na haunavapambedya shinu avalá vatandédya vyakunyata; namomo undivatenda nningo valivíka kuva vamyombe kumbe vákavele kutwala kuvaanalela kuva vakushang'apa.

Maono 21:27

Mwanavo, mwiko shinu shishapu hashiinjila, ata munu átandedya vyakudabukanga kwali vyakushang'apa; ila vandainjila bai avalá vaandikígwe mena ave mulibuku lyashingumi limwe Ngandolo.

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.

Maono 9:17

Mumaono, amu ni mwandivaanalele vapunda pamo na vakuvatukusha vave vàvedoni, vikopa vyave vivenavo dilangi dyakuvilingananga: vyanauvi kenga moto, vyakibulu kenga majanga alimashi na vyamanjano kenga dindimi dyaipataki. Myuti vyavapunda avo vivele mwamyuti vyavantumi na ndikanywa mushindauma moto, lyoi pamo na ipataki.

Maono 9:21

Namomo havalijugulénge yakubyaa kwave, yawavi wave, yakulavalava kwave na yakwiva kwave.