Maono 21:3 - Ibibiliya mu Shimakonde Imbodi Yaambi na dimbande dya Imbodi Yakala

³ Napanelo ndígwa lidi likumene lyakwalakela pashiteng'u liishidoni, “Mwe! Ambi apa yema ya Nnungu inkupagwa na vanu na nae andanama na vanavo. Vanavo vandava venentete vake; jo mwene Nnungu ápagwa na vanavo, andava Nnungu wave.

Maono 21:3 ပူးပေါင်းရင်းမြစ်များ

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

II Vakolintu 6:18

Nangu ndava tatamunu kwenu na mwenu mundava mmana valume na vakongwe kwangu nangu, atangola Umu Wadimongo-uti.”

I Vateshalonika 3:11

Napanelo Nnungu mwene, jo Tatagwetu namu Umu wetu Yesu atuungulile indila yakwida kwenu.

Vabalaniya 11:16

Kanji leka apo, vanavo vashindalikanyalidya vapate shilambo shamana yani shilambo shakuwa. Napavedoni Nnungu hanona dyoni pashamegwa kuva Nnungu wave mwaa jo mwene andivakandyangidya aulá njini.

Vabalaniya 8:10

“Doni, ai ni imbodi yangulota kupanga na shipinga shavanaishilaeli ling'oto lyamaduva alo,” atangola Umu. “Ndavika malamulo angu muding'anong'ano dyave, na ndaandika mmitima vyave. Nindava Nnungu wave, vanavo vo, vandava venentete vangu.

Vabalaniya 8:2

na ankutumika mulyutu Lyakwilimyanga ìvele yema iu yadangile Umu i munu.

Maono 10:4

Akaume madi ading'uva saba adyo, nangu ngubakidile padyoko na kwandika kanji ndígwa lidi lyakwalakela kuwa liishidoni, “Vinu vitangaléke na ding'uva saba dyo, piya; haunandike!”

Maono 10:8

Napanelo lidi lyakwalakela kuwa lyangwigwíte alilá lindítangola kavili namu nangu liishidoni, “Katwale shidingo shidingukénge ashilá shivéle mmakono mwake njelo áimidile mwimanga na kumwangu.”

Maono 12:10

Napane ndígwa kuwa ko lidi lyadimongo liishidoni, “Ambi apa kwambolegwa kundiwika, dimongo na utawala wa Nnungu wetu na madalaka amwe Klistu wake mwaa andijalegwa pai aijá nkúkashali wavanung'unumunu ávakashali shilo na mui pamevo pa Nnungu wetu.

Maono 21:7

Nkútema andapata maleko avinu avi, nangu ndava Nnungu wake na nae kuva mwanangu.

Maono 22:3

Dilana munjini awo, hadipagwa. Shiteng'u sha Nnungu pamo na sha Ngandolo shindapagwa munjini na vatumika vake vanantumika,

Maono 7:15

“Ni ashi shitádya vapagwe mushu shiteng'u sha Nnungu; vanavo vankutumika shilo na mui mwing'ande yake; aijá áikele pashiteng'u andavakunjupulila yema yake.